Россия халыкларының телләрен һәм әдәби мирасын популярлаштыру, туган телне белү дәрәҗәсен арттыру максатыннан, ТР Әлки районының Нәби Дәүли исемендәге Базарлы Матак гимназиясендә 4 октябрьдән 9 октябрьгә кадәр чираттагы Туган тел атнасы узды. Әлеге чараларны үткәрүдә рус теле һәм әдәбияты укытучылары , шулай ук 5-10 сыйныф укучылары катнашты.

8 октябрь көнне Базарлы Матакның Нәби Дәүли исемендәге гимназиясенең 5 Б сыйныфында Туган тел елы кысаларында «Татар һәм рус халыкларының тылсымлы әкиятләре» дигән класстан тыш чара узды. Бу чара ике халык фольклоры белән турыдан-туры бәйле. Чагыштыру өчен татар халкының «Үги кыз» әкиятен һәм«Морозко» рус халык әкиятен алдылар.Балалар рус теле һәм әдәбияты укытучысы Мингазова Галина Петровна җитәкчелегендә әкиятләр буенча охшашлыклар һәм аерымлыклар эзләделәр, текстлар белән тикшеренү эшләре үткәрделәр . Эш рус һәм татар телләрендә алып барылды. Соңыннан алып баручылар-10 сыйныф укучылары-бию паузасы һәм әкиятләр буенча викторина үткәрделәр. Балалар бу чарада актив катнаштылар, чөнки аларга ике халык әдәбиятында гомумкешелек һәм милли үзенчәлекләрне табу бик кызыклы булды. Соңыннан «халык ,милләт һәм тел  үлемсез " дигән нәтиҗә ясалды.