"Юл йөрү кагыйдәләре" н өйрәнү буенча башлангыч сыйныфлар белән әңгәмәләр үткәрелде. Мәрдиева А.Г. юл йөрү билгеләре буенча балаларның белемен тикшерде.

1 сентябрь- Белем көне уңаеннан ветеран укытучыларны , тәрбиячеләрне,  мәктәбебез коллективын, укучыларны  кайнар котлыйбыз. Яңа уку елы башлана. Күп көч туплап, сау- сәламәт булып килгән балаларыбызны  парта артларында күрү үзе зур бәхет. Укучыларга укуларында зур тырышлык, укытучыларга авыр һәм мактаулы эшләрендә уңышлар телик. Бәйрәм белән!

1 нче сентябрь "Мин талантлы" дәресе белән башланып китте. Һәр сыйныф Әлки районыннан чыккан якташ язучыларыбыз, шагыйрьләребез, җырчыларыбыз,артистларыбыз турында мәгънәле итеп чыгыш ясадылар. Укучының чыгышы слайдлар белән баетылды. Әйе, безнең укучыларыбыз да бик талантлы. Спортта, җырда, биюдә аларга тиңнәр юк. Без укытучыларга киләчәгебез горурлыгы буласы балаларыбызның сәләтләрен үстерү өчен бар көчебезне, осталыгыбызны  бирәсе генә кала. Барыгызга да уңышлар телибез!

Татарстан Республикасы көне һәм Әлки районы оешуга 85 ел тулу уңаеннан барлык укучыларны, укытучыларны, якташларыбызны бәйрәм белән котлыйбыз. Илебез күге һәрчак аяз , табыннарыбыз мул, күңелләребез күтәренке  булсын. Ял көне булуга карамастан барлык мәктәп укучылары спорт бәйрәменә җыелды. Күңелле ярышларда катнашып , балалар канәгать булып калды.

Укытучыларның көтеп алган август киңәшмәсе быел районыбызда мәгариф һәм фән министры Э.Н.Фәттаховны каршы алды. Аның алдында патриотик тәрбия юнәлешендә тәрбияләнүче балаларыбыз чыгыш ясады.  Без алар белән горурланабыз.  Мәктәбебез өчен зур вакыйга ,  мәгариф һәм фән министры Э.Н.Фәттахов  тарафыннан рус теле һәм әдәбияты укытучысы Нуруллина Г.К. бирелгән рәхмәт хаты булды. Барыгызга да  хезмәт уңышлары телибез.

Безнең мәктәп базасында район буенча тарих һәм физик тәрбия укытучыларының август киңәшмәсе булды. Гомуми мәктәп турында мәгълүмат алганнан соң  "Туган якны өйрәнү " музеенда экскурсовод укучылар  чыгышын тыңладылар.