Экологик икеайлык кысаларында мәктәп территориясендә , авыл эчләрен , һәйкәл тирәләрен чистартуда укучыларыбыз һәм укытучылар ярдәме белән бик күп эшләр башкарыла.

Бөтенроссия спорт ярышларының районда үткәрелгән "Президент ярышлары"нда катнашып укучыларыбыз уңышлы күрсәткечләр белән кайтты.

Түгәрәктә шөгыльләнүче укучылар катнашында ике команда мәктәп беренчелеге өчен ярышты.

Тәрбия эшләре буенча педагогик киңәшмә үткәрелде.Россия Федерациясе һәм Татарстан Республикасы тәрбия үсеше стратегияләренә нигезләнеп алып барылган тәрбия эшчәнлегенә нәтиҗә ясалды.

Теннис буенча ярышта 6-10 сыйныф укучылары катнашты. 

"Милли чигү" түгәрәгендә шөгыльләнүче укучылар бик теләп түгәрәккә йөрде.

Ата- аналар җыелышы үткәрдек. Көн тәртибендә: 1. "Гаилә һәм мәктәп арасында мөнәсәбәтләр" 2. "Террорчылык - җәмгыять өчен куркыныч яный" 3. "Туберкулез- куркыныч чир" 4. "Язгы каникул чорында куркынычсызлык"  5. Уку торышы нәтиҗәләре.

10 сыйныф укучылары барлык мәктәп укучылары өчен "Нәүрүз" - кышны озату, язны каршы алу бәйрәме оештырды. Бәйрәм җыр һәм биюләр белән үрелеп барды. Һәр бәйрәмдә катнашкан кеше матур теләкләр теләде. Бәйрәмнән соң тәмле итеп пешерелгән "карга боткасы" белән сыйландык. Бәйрәм күңелле үтте. Еллар имин, көннәр уңышлы булсын!

Бөтенроссия спорт ярышларының муниципаль этабының "Президент ярышлары"нда  катнашып 6 сыйныф  укучыларыбыз 2 нче урынга лаек булды. Котлыйбыз!