Туган тел дөньясында.
 
Алтынчы сыйныф укучылары белән “Туган тел дөньясында” мәкальләр дигән баш астында дәрес үткәрелде.
Сүзне мәкальләр һәм әйтемнәргә аңлатма бирүдән башлап җибәрдем.
Алдан ук укучыларга мәкальләр язып килергә кушылган иде.Дәрескә һәрбер укучы әзерләнеп килгән иде.
Сөйләшкәндә сүзгә ямь,куәт бирү өчен,көнкүрештә күп сыналган тәҗрибә,дәлил яки шигъри бер мисал урынында әйтеп йөртелә торган кыска,ләкин гомуми бер тирән мәгьнәне эченә алган төгәл жөмләне халык хикмәте әсәре мәкаль дип әйтелә.
Мәкальнең көчен һэм аның тормышта нинди вазифа үтәгәнен укыганда гына белеп бетереп булмый.Аның яме һәм куәте сөйләшкәндә,сузне үз урынында әйтеп җибәргән чагында гына тапкыр чагыла.
Мәкальнең урыны туры килгәндә генә сүзгә кыстыра белергә кирәк.
   Мәкаль кешедән фикер уяулыгы сорый.Акылы,үткен,җитез һәм актив кешегә мәкаль һәм әйтемнәр бик күп нәрсә бирә.
Дәрес укучылар язган мәкальләрнең мәгнәсен аңлату,укучыларның рухи дөньясын баету,аларга патриотик,әхлакый һәм эстетик тәрбия бирү йөзеннән үткәрелде.
Мәкальләрдә ана телебезнең матурлыгы һәм камиллеге,төгәллеге һәм байлыгы гәүдәләнә.Мәкальләр кешенең фикерләү сәләтен үстерә,акылын,тапкырлыгын тирәнәйтә,туган телгә мәхәббәт тәрбияли.

Мөхәмәтҗанова Г.Ә. татар теле укытучысы.