24 ноябрь көнне мәктәпнең актлар залында Әниләр көне уңаеннан "Җәннәт - аналар аяк астында" дип исемләнгән бәйрәм концерты узды. Әлеге чарада 1-11 класс укучылары әниләргә җыр- биюләр, шигырьләр, театральләштерелгән тамашалар бүләк иттеләр.

15 ноябрь көнне районның  "Ак җилкән" варислар берлегенә караучы иҗтимагый балалар оешмалары арасында "Без бергә яулаган уеннар" исеме астында сәламәтлек театры коллективларының куст бәйгесендә безнең мәктәп коллективы җиңү яулады. 22 ноябрь көнне балалар "Чипполино маҗаралары" әсәре белән район этабында чыгыш ясаячак. Аларга уңышлар телибез! 

Уку елының икенче чиреге башланып китте. Укучылар һәм укытучылар фән олимпиадаларына әзерлек эшләре алып бара.

Көзге каникуллар башланып китте. Шуңа да карамастан мәктәптә эш кайный: фән олимпиадаларына әзерлек бара, балалар өчен көзге лагерь эшли.

29 октябрь көнне укучылар белән "4 ноябрь - Бердәмлек көне" билгеләп үтелде. 1612 елда Мәскәүне Польша илбасарларыннан азат итүчеләр турында документаль фильм каралды. Укучылар К.Минин, Д.Пожарский турында чыгышлар ясадылар.

"Воспитать человека" Республика күләм бәйгенең район этабында безнең мәктәптән 4 класс җитәкчесе А.Ф. Исламова финалга узды һәм уңышлы чыгыш ясап лауреат исемен яулады. Афәрин!

Октябрь - Халыкара китапханә айлыгы дип игълан ителгән иде.Әлеге айлык кысаларында мәктәбебездә чаралар планы төзелде:

• иң күп китап укучы бәйгесе;
• ачык класс сәгатьләре;
• китап күргәзмәләре;
• "Мәктәпкә китап бүләк ит" акциясе;
• "Китап һәм язу тарихы" исемле ачык чаралар укучыларны үзенәҗәлеб итте.

Район күләм өмәгә безнең мәктәбебез дә бик теләп кушылды. 22 октябрь - шимбә көнне 5-11 класс укучылары һәм укытучылар мәктәп территориясендә, бакчада тырышып эшләделәр. 

Җомга көнне 1-6 класслар "Halloween" бәйрәменә җыелды. Алар биредә рәсем, маска, кабак-фонарь ясау конкурсларында көч сынаштылар, уенннар уйнадылар. Бәйрәмне инглиз теле укытучысы Р.С. Амирова һәм әлеге фәннән практика узучы кызыбыз Резеда Гыйльметдинова оештырды. Укучылар бик теләп катнаштылар.