Уку елының икенче чиреге башланып китте.Укучылар көч-куәт туплап, ял итеп янәдән белем иленә аяк бастылар. Каникул чорында да мәктәп балалар авазы белән тулып торды: фән укытучылары укучыларны олимпиадага әзерләде, спорт ярышлары дәвам итте.

23 октябрь көнне мәктәбебезнең актлар залында "Парламент дәресе" узды.

Башлангыч сыйныф укучылары укытучылары белән берлектә "Көзге табигать" темасына күргәзмә әзерләделәр.

11-12 октябрь көннәрендә 2-11 класс укучылары мәктәп яны тәҗрибә участогында соңгы көзге эшләрне башкардылар. Кура җиләге, карлыган аралары чистартылды, чәчәклек тәртипкә китерелде,мәктәп яны территориясе җыештырылды.

Бүген мәктәп укучылары һәм укытучылары  авылыбыз өлкәннәре өчен чәй табыны һәм бәйрәм концерты әзерләделәр.

Сабырлык, тырышлык, белем таләп итә торган һөнәр - укытучы хезмәте. Сабый бала тормыш ваклыклары арасында югалмасын өчен, юл өйрәтеп, хәреф танытучы иң беренче кеше – укытучы. Нәни баланың күңеле уңдырышлы җир кебек, ә укытучы аңа белем орлыклары сала. Бу орлыклардан исә игелек, мәрхәмәт, шәфкать, тәүфыйк кебек сыйфатлар шытып чыга, үсә, ныгый. Әйтерсең лә, укытучы үзенең җанын телем-телем кисәкләргә телеп балаларга өләшә. Укытучы биргән белем безгә, кошларга канат ничек кирәк булса, шулай кирәк. Укытучы - иң мөһим һәм кирәкле һөнәрләрнең берсе. Аларның хезмәте авыр, катлаулы, җәмгыятькә күп файда китерә торган.
Бу дөньяда нинди генә биеклекләргә ирешсәк тә, уңышларыбызның башында укытучы торганын һәркем таный. Әйе, нәкъ менә алар безне мәгърифәт дөньясына алып керде, хәреф танырга, язарга өйрәтте, белгәннәрен хәтеребезгә сеңдерергә тырышты, шуларны үзебездән таләп итте, тәрбияле булырга өндәде.Кадерле укытучыларыбыз, сезне ихластан бәйрәмегез белән котлыйбыз!

1 октябрь көнне 7,8,9 класс укучылар "Пожар куркынычсызлыгы" темасына фильм карадылар.

29 сентябрь көнне район үзәгендә мәктәп ярминкәләре узды. 

Укучыларның куркынычсызлыгын тәэмин итү максатыннан мәктәп күләмендә класс җитәкчеләре ачык класс сәгатьләре оештырдылар

7 сентябрь көнне район мәдәният йортында чәчәк бәйрәменә нәтиҗәләр ясалды. Конкурс нәтиҗәләре буенча урта мәктәпләр арасында безнең мәктәп II урынга лаек булды. Чәчәкләрне үстерүдә катнашып, җиңүгә үз өлешен кертүчеләргә зур рәхмәт!