3 март көнне "Йолдызлык - 2015" конкурсының сайлап алу туры узды. Безнең мәктәп укучылары җитәкчеләре башлангычында уңышлы гына чыгыш ясап күп кенә номерлар белән алдагы турга уздылар. Зур рәхмәтебезне белдерәбез аларга.

Бүген, ягъни, 27 нче февраль көнне мәктәбебездә "Йолдызлык"ның генераль репетициясе булып узды. Укучылар җитәкчеләре башлангычында "Бөек Ватан сугышының 70 еллыгы"  темасына багышланган бик кызыклы тамаша әзерләгәннәр иде. 

Узган атнада мәктәбебез укучылары "наклон вперед из положения стоя", "сгибание и разгибание рук упора лежа", "поднимание туловища за 1 мин", "прыжок в длину с места", "бег на лыжах", төрләре буенча ГТО нормаларын тапшырды.

Башлангыч сыйныф укучылары дәрестән тыш түгәрәкләрдә әниләргә бүләкләр әзерлиләр. Концерт номерлары кабатлыйлар.

Яшь уйлап табучыларның "21 нче гасыр Кулибиннары" 8 нче республика олимпиадасының район этабында 7 нче сыйныф укучысы Хабиров Динар призлы урынга лаек булды.

Татар теле һәм әдәбияты атналыгы кысаларында бүген “Утлы еллар поэзиясе” исеме астында чара үткәрелде. 5,6, 7,8 нче сыйныф укучылары сугыш темасына багышланган шигырьләр сөйләделәр. 8 нче сыйныф укучылары Харисова Г. Һәм Харисова С. Бөек Җиңүнең 70 еллыгына багышланган проект эшләрен якладылар.

Лексик КВН

5 , 6 нчы сыйныф укучыларыннан төзелгән “Тапкырлар”, “Зирәкләр” командалары татар теле фәне буенча узара көч сынаштылар. Нәтиҗәдә, 51 очко җыеп, “Тапкырлар” командасы җиңү яулады.

“Татар кызы- 2015” бәйгесе

Мәктәбебездә татар теле һәм әдәбияты атналыгы дәвам итә. 19 нчы февральдә “Татар кызы- 2015” бәйгесе үткәрелде. Бу чарада 7 кыз узара көч сынаштылар. Һәрберсе дә уңышлы чыгыш ясап, төрле номинацияләрдә җиңү яуладылар. Нурыева Әминә (5 кл)- “Иң ягымлы кыз”, Шакирова Эльвина (6кл)- “Иң тырыш кыз”, Мухаметова Айзилә (7 кл)- “Иң зыялы кыз”, Харисова Гөлсем (8 кл)- “Иң тыйнак кыз”, Сарварова Чулпан (9 кл)- “Иң сәләтле кыз”, Яппарова Алисә (10 кл)- “Иң сөйкемле кыз” номинацияләрен алдылар. 8 класс укучысы Габдуллина Энҗе абсолют Җиңүче булды.

“Зирәк тиен- 2015”

Мәктәбебез укучылары ел саен татар теле буенча үткәрелә торган “Зирәк тиен” бәйгесендә көчләрен сыный. Бу уку елында исә бу бәйгедә 37 укучы катнашачак.