Муниципальное бюджетное общеобразовательное учреждение «Такталачукская основная общеобразовательная школа» Актанышского муниципального района Республики Татарстан/Татарстан Республикасы Актаныш муниципаль районы "Такталачык төп гомуми белем бирү мәктәбе" гомуми белем бирү муниципаль бюджет учреждениесе
Визитная карточка
Адрес: | 423751, РТ, Актанышский район, с. Такталачук, ул. Школьная, д. 26 |
Телефон: | |
E-Mail: | Stak.akt@tatar.ru |
Министерство: | Министерство образования и науки Республики Татарстан |
Короткое название: | МБОУ "Такталачукская ООШ" |
Руководитель: | Хазиев Алмаз Саяпович |
Год основания учреждения: | 1991 |
У нас учатся: | 50 учащихся |
У нас учат: | 11 педагогов |
Муниципальное бюджетное общеобразовательное учреждение «Такталачукская основная общеобразовательная школа» Актанышского муниципального района Республики Татарстан/Татарстан Республикасы Актаныш муниципаль районы "Такталачык төп гомуми белем бирү мәктәбе" гомуми белем бирү муниципаль бюджет учреждениесе - новости
Страницы: << 151 152 153 154 155 156 ( 157 ) 158 159 160 >>
-
Ата-аналар җыелышы
18.10.2016
17 нче октябрь көнне 7-9 нчы класс укучылары һәм аларның ата- аналары өчен "Яшүсмерләрне тискәре тәэсирләрдән саклау ( "Профилактика ассоциальных явлении в подростково- молодежной среде") дигән темага тәрбия эшләре буенча директор урынбасары Нуриева Ә.Г. тарафыннан ведомствоара семинар- практикум оештырылды. Семинар 7нче класс укучылары тарафыннан сәхнәләштерелгән күренеш белән башланып китте. Такталачык табиблык амбулаториясе баш табибы Минхуҗин Л.С., "Ихлас" психологик үзәге вәкиле психолог Гаптрахманова Л.Х. тарафыннан чыгышлар һәркемне уйланырга, нәтиҗә ясарга этәрде. Соңыннан тема буенча видеороликлар тәкъдим ителде.
-
Милли көрәш турниры
17.10.2016
Марсель Гыйлаев хөрмәтенә район күләмендә оештырылган милли көрәштә 8 нче класс укучысы Ханов Раян- 3нче урынга, 9 нчы класс укучысы Марсель Ханов 2 нче урынга лаек булды. Булдырдыгыз, егетләр; киләчәктә тагын да зуррак уңышларга ирешегез!
-
Фотоконкурс нәтиҗәләре
14.10.2016
Актаныш районы Игелек үзәгенең гаиләгә һәм балаларга социаль ярдәм күрсәтү бүлекчәсе 18 яше тулмаган балалар арасында фотобәйге игълан иткән иде. Укучыларга түбәндәге темалар тәкъдим ителде: "Минем оста куллы әбием һәм бабам", "Минем ярдәмчел әбием һәм бабам", "Минем спорт сөюче әбием һәм бабам", "Минем эшчән әбием һәм бабам", "Минем мөселман әбием һәм бабам". Бәйгегә башлангыч сыйныф укучылары бик теләп катнаштылар. 2 класс укучысы Шәемова Илсөя, 3 класс укучылары Шәрифҗанова Гүзәл, Мухтаров Рүзәл, Гайсина Әдилә үз номинацияләрендә җиңүче булдылар һәм 11 октябрь көнне әби-бабалары белән йомгаклау чарасына чакырылдылар. Чара барышында уеннар оештырылды, кызыклы бүләкләр,мактау грамоталары тапшырылды, истәлеккә фотога төшелде.
-
Өлкәннәр ункөнлеген йомгаклау
13.10.2016
Өлкәннәр ункөнлеген йомгаклау уңаеннан, мәктәптә хезмәт ветераннары белән очрашу үткәрелде. Аларны һәм хәзерге вакытта хезмәт куючы укытучыларыбызны хөрмәтләп, стена газеталары чыгарылды, рәсемнәр ясалды, сәхнә хезмәте күрсәтелде,төрле еллардагы мәктәп тормышын чагылдырган видеопрезентацияне дә кунакларыбыз игътибар белән карады. Укытучыларын, әти- әнисен бәйрәм белән котларга Башкортстаннан кайткан Айгөл Нуриеваның (2003 нче елгы чыгарылыш) моңлы җырлары тамашачылар күңеленә аеруча хуш килде.
-
Фотобәйге
10.10.2016
--Актаныш районы Игелек үзәгенең гаиләгә һәм балаларга социаль ярдәм күрсәтү бүлекчәсе 18 яше тулмаган балалар арасында фотобәйге игълан итте.Темалар: "Минем оста куллы әбием һәм бабам", "Минем ярдәмчел әбием һәм бабам", "Минем спорт сөюче әбием һәм бабам", "Минем эшчән әбием һәм бабам", "Минем мөселман әбием һәм бабам". Бәйгегә башлангыч сыйныф укучылары бик теләп катнаштылар. Хәзер нәтиҗәләр көтәбез.
-
Хәбәрсез югалган сугышчылар
10.10.2016
6 - 7 октябрь көннәрендә Актанышта Казан Кремлендәге Бөек Ватан сугышы Музей-мемориалы мөдире Михаил Черепанов булып китте. Тарихчы районда бер изге миссия башкарды – хәбәрсез югалган сугышчыларның балаларына, якыннарына аларның кайда һәм ничек һәлак булуы турында кыйммәтле мәгълүматлар тапшырды. Такталачык төп гомуми белем бирү мәктәбенең башлангыч класс укытучысы Сәрвәрова Земфира Нәвис кызы да бу көнне ерак бабасы Зәйнуллин Сәяф Зәйнулла улының язмышы турында документларны кулына алды. Каһарман бабасының язмышы турында ул укучыларына сөйләде.
-
5 октябрь - Укытучылар көне
07.10.2016
Хөрмәтле укытучылар! Сезне 5 октябрь - Укытучылар көне уңаеннан тәбрик итәбез. Сезгә ныклы сәламәтлек, зур ихтыяр көче, сабырлык, иҗади уңышлар юлдаш булсын.
Алыгыз Сез бүген, бүләк итеп,
Чәчәкләрнең шушы бәйләмен.
Каршылагыз тагын бик күп еллар
Бүгенгедәй хезмәт бәйрәмен! -
Укучыларда туберкулез авыруын кисәтү
07.10.2016
Укучыларда туберкулез авыруын кисәтү максатыннан, Актаныш үзәкбольницасы шәфкать туташлары тарафыннан манту процедурасы үткәрелде. Медицина хезмәткәрләре укучыларны бу процедураны үткәрүнең әһәмияте белән дә таныштырды.
-
Укытучылар көне уңаеннан бәйрәм тантанасы
07.10.2016
4 октябрь көнне район мәдәният йортында Укытучылар көненә багышланган тантаналы чара уздырылды. Әлеге чарада безнең мәктәпнең алдынгы укытучылары катнашты. Бәйрәмчә бизәлгән залга мәгариф ветераннары, мәгариф хезмәткәрләре, мәктәп директорлары, балалар бакчалары мөдирләре җыелды. Тантана мәгариф ветераннарын бүләкләү белән башланып китте. Чарада муниципаль район башлыгы Фаил Мисбах улы Камаев, башкарма комитет рәисе Рөстәм Алмаз улы Ильясов, муниципаль район башлыгы урынбасары Илфак Шамил улы Бариевларның котлаулары яңгырады. Иң яхшы укытучылар, белем бирү учреждениеләре җитәкчеләре, мәгариф ветераннары РФ Мәгариф министрлыгы, ТР Мәгариф министрлыгы, муниципаль район башлыгы һәм мәгариф бүлегенең мактау грамоталары белән бүләкләнделәр.
-
Хөрмәтле укытучыларыбыз!
05.10.2016
Хөрмәтле укытучыларыбыз!
Сезне чын күңелдән һөнәри бәйрәмегез – Укытучы көне белән котлыйбыз!
Бүгенге истәлекле көндә барлык педагогларга рәхмәт сүзләре белдерәсе һәм хөрмәт күрсәтәсе килә. Сезнең профессиональ, игътибарлы, таләпчән булуыгыз һәм күңел җылыгыз безнең балаларга сәләтләрен һәм талантларын ачарга ярдәм итә.