11 нче апрель  көнне,  география- биология  атналыгы кысаларында , 5-7 класс укучылары катнашында  “ Күп белергә телим”- дип исемләнгән кичә булып узды. Укучылар  командаларга  бүленеп  узара  тапкырлыкта, өлгерлектә һәм белемлелек буенча узара көч сынаштылар. Укучылардан сайлап куелган  жюри  да сынатмады,  дөрес  һәм  гадел  нәтиҗә чыгарды.

11 нче апрель көнне “Туган ягым табигате “дигән рәсем конкурсы булып узды. Балалар үзләре яшәгән төбәкнең елга, күл ,урман буйларын,авыл күренешләрен тасвирлаганнар  иде.

10 нчы апрель көнне  5-8 класс укучылары көче белән  чыгарылган  стенгазеталар эленеп куелды. 

10 нчы апрель көнне 1-4 сыйныфларда” Ачык ишекләр көне “үткәрелде.Әти-әниләр математика һәм рус телләреннән дәрес тыңладылар .

9 нчы апрель көнне 1.Башлангыч сыйныф укучылары белән сыйныф сәгате үткәрелде. Ул "Табигать, спорт һәм хезмәт - сәламәтлек нигезе" исеме астында үтте.

   2. Авыл китапханәсендә сәяхәттә булдылар. Анда "Кошлар кайта туган якларына" дип аталган әдәби кичәдә катнаштылар. Кичәдә кошлар турында китап күргәзмәсе белән таныштылар. Кичә җырлар, шигырьләр, табышмаклар белән үрелеп барды

Шушы ук көнне, 5-9 класс укучылары арасында “ Иң яхшы  табигать белеме дәфтәре”, “Иң яхшы география дәфтәре” һәм  “Иң  яхшы биология дәфтәре“ конкурсы булып узды. Конкурста барлыгы  80 дәфтәр каралды һәм алар арасында нәтиҗәләр чыгарылды.

9 нчы апрель көнне, география-биология атналыгы кысаларында,  мәктәп китапханәсе белән берлектә “ Татарстан-минем  республикам “ дип исемләнгән китаплар күргәзмәсе булып узды. Күргәзмәгә куелган  фәнни әдәбият, төрле брошюралар, энциклопедияләр  һәм кызыклы китаплар белән  укучылар кызыксынып таныштылар, үзләрен кызыксындырган сорауларын бирделәр һәм җавапларын алдылар.

8 нче апрель  көнне  5-11 нче класслар катнашында  “ Класс гөлләренә” конкурс   булып узды. Һәр класс  үзенең “Иң матур” һәм “ Иң үзенчәлекле” гөлен тәкъдим итте.Тәкъдим итү вакытында  һәр гөлнең  исеме, ватаны һәм үстерү үзенчәлекләре турында сөйләнде.

Шулай ук бу көнне  11 класс укучылары,  5-8 класс укучыларына түбәндәге тематикалар астында лекцияләр  укыдылар: “ Кешелекнең глобаль проблемалары”, “ Татарстанның  Кызыл китабы”, “ Табигатьне саклап-үз сәламәтлегебезне саклыйбыз”  “ Халыкара экологик оешмалар”.

8 апрель көнне 1-4 сыйныф укучылары балалар бакчасында кунакта булдылар. Алар балаларга Г. Тукай шигырьләре, җырлар, биюләр тәкъдим иттеләр.