5 февраль көнне Актанышның икенче мәктәбендә "Туган якның таныш йөзләре" дип игълан ителгән акциясе буенча баннерлар яклау конкурсы үтте. Безнең мәктәптән 6 нчы сыйныф укучысы Шәрифҗанова Айзирә үзебезнең җирлектән сугыштан исән – сау әйләнеп кайткан сугыш ветераны Фарсыев Муллаян Фарсый улының тарихи ядкәрен тәкъдим итте.

4 нче февраль көнне спартакиадага әзерләнү максатыннан Киров урта мәктәбе кызлары безгә иптәшләрчә очрашуга килделәр. Очрашу бик киеренке төстә үтте. Исәп 50:29 Сәфәр кызлары исәбенә. Молодцы, кызлар!

Атнаның һәр пәнҗешәмбесендә 6 класс укучылары дөнья, республика һәм район яңалыклары белән танышып баралар. Бүген Сәйфетдинова Айгөл һәм Мөхәмметдинова Айсылу иптәшләрен сәясәт, икътисад һәм спорт өлкәсендәге яңалыклар белән таныштырдылар.

Һәр атнаның чәршәмбе көнендә Хаҗиева Инсия апа балаларга әхлак дәресләре үткәрә. Бу атнада 5-7 класс укучыларына “ Бер-береңә ярдәм итү” дип исемләнгән дәрес үткәрде.

4 нче февральдә  безнең мәктәптә Актаныш психологик үзәге  психологлары тарафыннан  1-11 классларда  психологик  тренинглар  үткәрелде. Авыр гаиләләрдә тәрбияләнүче балалар белән индивидуаль сөйләшүләр алып бардылар.

4 февральдә ату буенча район күләмендә ярыш үткәрелә. Анда безнең мәктәптән 9 класс укучылары  Латыйпов Илдар,  Шәйхетдинов Раел, 8 класстан  Шайгарданова Инзилә катнаша. Аларга уңышлар телибез!

Моннан 72 ел элек Сталинград шәһәре немец гаскәрләреннән азат ителә.Бу күренекле вакыйга 1943 елның 4 февралендә  була. Шул уңайдан 6 класс укучыларына  класс сәгате үткәрелде.Укучылар бик кызыксынып тыңладылар,сораулар бирделәр.

Мәктәбебезнең яшь рәссамнары район Һәм республика күләмендә күп кенә конкурсларга бик актив катнашалар. Бүгенгесе көндә “Урман уттан курка” дигән конкурска мәктәптә нәтиҗәләр чыгарылды  Һәм уңышлы чыккан рәсемнәр район этабына II турга җибәреләчәк.

31 нче январь көнне Сәфәр мәдәният йортында башкорт язучысы Наҗар Нәҗминең “ Гармунчы дус”- исемле драма әсәре зур алкышларга күмелде. Уңышлы чгыш ясаучылар арасында мәктәбебез укытучысы Илнар Шәйхенур улы һәм 10 сыйныф укучылары Мирхайдарова Сөмбел, Фазлыева Таңсылу да бар иде.

2 нче класс укучыларына бу атнадан башлап  Чаллы педагогика институты студенты - практика үтүче Халиуллина Алинә апалары дәресләр үткәрә башлады. Укучылар аны бик җылы кабул иттеләр. Аңа  уңышлар телибез.