13 нче февраль көнне мәктәптә башлангыч класс укытучысы  Ахмадуллина Миләүшә Мулланур кызы 1 нче сыйныф укучылары белән “Хуш, Әлифба!” исемле мәктәпкүләм кичә оештырды.  Кичә төрле мавыктыргыч уеннар һәм җыр- биюләр белән бергә үрелеп барды. Бу күңелле мизгелләр укучыларның  күңелләрендә якты хатирә булып озак сакланыр.  

Ученик 3 класса Хусаенов Азамат Илфарович занял III место в Всероссийском творческом конкурсе «Единственной маме на свете» и награжден Дипломом. Поздравляем!

10 февраля в школе среди учащихся начальных классов прошел школьный этап конкурса рисунков “Лес боится огня”. Ученики активно приняли участие в этом конкурсе. По результатам конкурса лучшие работы отправлены на муниципальный этап. 

<span lang="TT" times="" new="" roman',="" serif;"="">Бүген мәктәптә тарих һәм җәмгыять белеме укытучысы- Җәмилова Розалия Гарифҗан кызы һәм тормыш иминлеге нигезләре укытучысы- Фаттахов Илсур Филис улы “Әфган җилләре” исемле мәктәпкүләм тәрбия сәгате үткәрделәр. Тәрбия сәгате Әфганстанның территориясе, климаты белән танышу белән башланды, ә соңыннан сугыш башлану сәбәпләре ачыкланды. Актаныш районы җирлеге буенча Әфганстанда вафат булганнар  искә алынды. Шулай ук Богады җирлеге буенча бу сугышта катнашкан егетләр барланды. Тәрбия сәгатендә презентация һәм видео куллану аны тагын да тәэсирлерәк итте. 

    Бүген мәктәптә химия- биология укытучысы Амирова Рәмзә Зиязетдин кызы 9 класс укучылары белән химиядән ачык дәрес күрсәтте.  Дәрес методик яктан дөрес булып, җитди һәм эшлекле узды.  Шулай ук дәрестә сингапур методы элементлары куллану да отышлы булды.

Мәктәп китапханәсендә Бөек Ватан сугышы темасын чагылдырган китаплар күргәзмәсе оештырылды.

 6 нчы февраль көнне «Лачын»  боз спорт сараенда хоккей буенча үткәрелгән финал ярышларында безнең мәктәпнең хоккей командасы II урын яулады. Җитәкчесе- Фаттахов Илсур Филисович.  Котлыйбыз!

5 февраль көнне районда Бөек Җиңүнең 70 еллыгына багышланган баннерлар конкурсына безнең мәктәптән 6 нчы сыйныф укучысы Аскаров Ленар (җитәкчесе- педагог оештыручы Җәмилова Р.Г.) катнашты.  Ул безнең авыл җирлегенең Бөек Ватан сугышы ветераны- Сахаутдинов Гайнетҗан абыйга багышлап эшләнгән баннерны тәкъдим итте.

Бүген мәктәптә математика фәне укытучысы- Фардиева Ләйлә Рифкать кызы 5 класста математикадан ачык дәрес күрсәтте. Дәрес сингапур методы элементлары кулланып алып барылды. Дәрес эшлекле, нәтиҗәле һәм оешкан төстә үтте.

   Бүген башлангыч сыйныфлар укытучысы- Фаттахова Лениза Динәвис кызы, «Батырлык  нәрсә ул?» исемле 1-6 сыйныф укучылары өчен мәктәпкүләм кичә оештырды.  Бу кичәгә “Кыр батыры” исеменә лаек булган авылдашыбыз- Загретдинов Дәниф абый,  мәктәбебезнең “Көрәш батыры”  булган 8 сыйныф укучысы- Нурлыев Илгизәр чакырылган иде.  Шулай ук, авылыбызда яшәүче  Мостафин Фәндүс абыйның, суга батучыны коткарып, зур Батырлык эшләве белән таныштык.  Бу кичә бик зур тәрбияви әһәмияткә ия булды.  Укучылар тыныч тормышта да үзләренең батырлыклары белән дөньяны сокландырган кешеләр барлыгы белән таныштылар.