8 класс укучылары өчен уздырылган, сочинениеләр  район конкурсында катнашып,  Сахапова Алинә призлы  урын яулады. Укытучысы Сөләйманова А.Н. Котлыйбыз.

Мәктәпнең бертуган Гаяновларның “Энҗе бөртекләре” мода театры,  4 май көнне Казан шәһәрендә узган “Без бергә” иҗат фестивалендә катнашып,  уңышлы чыгыш ясадылар. 

5 май көнне,  районда узган,  “Без яшь, без сәләтле...” укучыларның республикакүләм интеллектуаль олимпиадасы         җиңүчеләрен  бүләкләү тантанасында 5 класс Хөсәенов Азамат призер буларак катнашты. Алган уңышлары белән котлыйбыз!

7 класс Сөләйманова Рәйлә  Л.Н. Толстой исемендәге XV Республикакүләм укучыларның фәнни практик конференциясендә  катнашып уңышлы чыгыш ясады.  (Фәнни җитәкчесе Сөләйманова А.Н.)

Химия һәм биология укытучыларының “Методик семинар” район конкурсында катнашып  Амирова Рамза Зиязетдин кызы    Абсолют җиңүче исеменә лаек булды. Котлыйбыз!

Башкортстанның Илеш районында,  Җиңүнең 72 еллыгына багышлап Магданов Р.Р., истәлегенә  узган көрәш ярышында       Сафиуллин Ильнур  65 кг кадәрге авырлыкта,  Корбангалин Рәлиф 60 кг авырлыкта 1 урын  яуладылар. Әфәрин егетләр!

17- 22.04    атнасы мәктәптә татар теле һәм әдәбияты атналыгы буларак узып китте. Укучылар төрле конкурс, ярышларда татар теле фәненнән белемнәрен сынап кына калмыйча,  татар халык ашларын пешерүдә осталыкларын күрсәттеләр, шигырь укучылар бәйгесендә көч сынаштылар.  Бөек язучыларыбызга багышлап  чыгарылган стенгазеталар конкурсында да актив катнаштылар. Укытучылары Мирзаянова Л.Х. 

22 апрель   мәктәп коллективы экологик чисталык һәм мәрхәмәтлелек  акциясенә кушылып өмәгә чыктылар. Мәктәп яны, олы юл буйларын чүп-чардан арындырдылар. Калган карларны чәчтеләр.

Ата-аналар комитеты һәм 5 класс укучылары районда узган “Дус гаилә” конкурсында катнашып уңышлы чыгыш ясадылар. 

3 класс укучысы Гаянова Ә., 5 класстан Гаянов А., һәм балалар бакчасыннан Гаянов А. Чаллы шәһәрендә узган республикакүләм  “Без бергә”  иҗат фестиваленең зона сайлап алу турында районыбыз данын яклап, уңышлы чыгыш ясадылар. Әфәрин!