20 нче апрель көнне, Зөбәер  төп гомуми белем бирү мәктәбендә “Математик  регата” мәсьәләләр чишү ярышы уздырылды. Безнең мәктәптән 7-8  нче класс укучылары  составындагы команда уңышлы катнашты. Укытучылар: Хабирова Х.Н.  Киләчәктә аларга тагын да югарырак үрләр яулавын теләп калабыз.

Мәктәбебезнең 5- 6 класс укучылары “Театр яктылыкка, нурга илтә” балалар театр коллективларының район бәйгесенә  Фәнис Яруллинның «Ак яфрак» әсәре белән   катнашып 3 урынга ия булдылар. Коллектив Диплом белән бүләкләнде. Җитәкчесе: тәрбия эшләре буенча директор урынбасары  Р.Г. Җәмилова. Котлыйбыз!

Бүген мәктәптә, Туган тел атналыгы кысаларында, «Туган ягым» дип аталган стенгазеталар конкурсы булды. Укучылар туган авыл турында бик күп мәгълүмат, шигырьләр туплаганнар һәм газеталарны иҗади якын килеп эшләгәннәр.

Туган тел атналыгы кысаларында,  татар теле һәм әдәбияты укытучысы Л.Х. Мирзаянова “Яңа китап- яңа дус” дигән кичә уздырды. Кичәгә авыл китапханәсе мөдире- Мөнирова Рәзинә апалары кунакка чакырылган иде. Ул укучыларга авыл китапханәсенә кайткан яңа китаплар белән таныштырды һәм әдәби китапларны күбрәк  укырга өндәде. Соңыннан укучылар әниләр темасына караган шигырьләрне яттан сөйләделәр. Кичә тәрбияви яктан әһәмиятле  итеп оештырылган иде.

По итогам муниципального этапа  Республиканского конкурса фоторабот "Парки и скверы моей малой Родины" в номинации "Культурный и природный ландшафт парков и скверов малой Родины"  в 2 возрастной группе (11-14 лет) заняла - 3 место ученица нашей школы Мирзагалиева Ильгина.  Руководитель Зямилова Розалия Гарифяновна. Молодцы!!!

 По итогам муниципального этапа  Республиканского конкурса рисунков и фоторабот "Парки и скверы моей малой Родины"  в номинации: «Парки и скверы моей малой Родины - место отдыха и проведения праздничных мероприятий для жителей городов и районных центров Республики Татарстан» в  возрастной группе (7 и 10 лет) занял 3 место - ученик нашей школы – Мирзагалиев Ильвир. Руководитель Зямилова Розалия Гарифяновна. Молодцы!!!

Бүген авылыбызның мәдәният учагында Актаныш муниципаль район ветераннар Советы пленумы булды. Көн тәртибендә ветераннар оешмасына кагышлы җитди мәсьәләләр каралды. Пленум барышында тәрбия эшләре буенча директор урынбасары Р.Г. Җәмилова “Балаларга тәрбия бирүдә вакыт һәм буыннар элемтәсе” темасына чыгыш ясады. Чыгыш һәм шулай ук презентация барышында,  өлкәннәр белән мәктәп тыгыз элемтәдә эшчәнлек алып барулары күренде. 

Бүген мәктәп музеенда хөрмәтле өлкәннәребезгә экскурсия оештырылды. Алар экскурсоводларның чыгышын тыңладылар, экспонатларны карадылар. Богады авылы җирлеге турында яңа мәгълүматлар алдылар һәм шул ук вакытта хатирәләрне дә яңарттылар.

13 апрель көнне Богады балалар бакчасында “Ике теллелеккә өйрәтү “ темасы астында  районкүләм зона семинары булды. Семинар барышында музыка белгече А. Мирзиева һәм тәрбияче И.В.Гаянова  “Язгы урманга сәяхәт” исемле музыка һәм рус теленнән интеграль  шөгыль  күрсәттеләр.  Тәрбияче И.В.Гаянова балаларны “Хезмәт төбе- хөрмәт” танып- белү һәм белем бирү эшчәнлегендә “Чүлмәкче остаханәсе”нә кунакка чакырды. Соңыннан “Йомры икмәкнең Себердәге сәяхәте” исемле ата-аналар һәм балаларның бердәм театраль чыгышы күрсәтелде. Семинар тәрбияче Г.Хаҗиеваның “Рус теленә өйрәтүдә комплекслы якын килү” темасы чыгышы белән тәмамланды. Семинар эшлекле һәм шул ук вакытта һәр тәрбияче үзенең эш тәҗрибәсенә  куллануга алырлык бай эчтәлекле иде. 

Мәктәбебездә бу атна “Туган тел атналыгы” дип игълан ителде. Атналык барышында әдәби кичәләр, стенгазеталар парады,  шигырь конкурслары, викториналар һ.б. күп төрле мавыктыргыч ярышлар көтелә. Барлык укучыларны актив катнашырга чакырып калабыз!!!