28 гыйнвар көнне Татарстан Республикасы Актаныш муниципаль районының “Аерым фәннәрне тирәнтен үзләштерүле 2 нче Актаныш урта гомуми белем бирү мәктәбе» базасында “Кече яшьтәге мәктәп укучыларын район, бөтенрәсәй, халыкара әһәмиятенә ия булган фән олимпиадаларына, иҗади конкурсларга әзерләүдә сәләтле балалар белән системалы эш оештыруның әһәмияте» дигән темада башлангыч сыйныф укытучылырының мәктәп методик берләшмәсе җитәкчеләре белән практик юнәлешле киңәшмәсе булды. Киңәшмәдә мәгариф идарәсенең өлкән методисты Алинә Марат кызы башлангыч сыйныф укучыларының олимпиадаларга катнашуын анализлады, тәҗрибәле укытучылар Муллаярова С.Т., Мухтарова А.А., Набиева З.Р., Хакимова З.З. укучыларны олимпиадаларга, конкурсларга әзерләүнең алымнары, системасы белән таныштырдылар.Сәфәр урта мәктәбенең информатика укытучысы Гыйлмуллина Ч.З., башлангыч сыйныф укучылары Валиева Л.Г, Хасанова А.З. нейрочелтәрләр, ясалма интеллект, Gamma һәм башка цифрлы ресурслар белән ничек эшләү алымнарын өйрәттеләр. Мәгариф идарәсе методисты Имамова Роза Асгатовна киңәшмәне оештырып, укучыларның сәләтен үстерүдә укытучыларның һөнәри осталыгын, компетентлыгын камилләштерүгә басым ясады. Киңәшмә эчтәлекле, файдалы һәм эшлекле булды.