Бүген Актанышта Татарстан һәм Башкортстан районнары ЮХИДИләренең пропаганда бүлеге җитәкчеләре катнашында төбәкара семинар киңәшмә узды. Киңәшмә өч өлештән торды.  «Мәктәпкәчә яшьтәге балаларны һәм укучыларны юлларда куркынычсыз тәртип кагыйдәләренә өйрәтү традицияләре һәм инновацияләре» темасына узган семинар-киңәшмә балалар иҗат үзәгендә түгәрәк өстәл янында сөйләшү белән тәмамлана. Юл хәрәкәте иминлеге дәүләт бюджет учрежденисенең Чаллы шәһәрендәге территориаль идарәсе җитәкчесе Резеда Гыйльметдинова юл йөрү кагыйдәләренә өйрәтүне, куркынычсызлыкка омтылуны балага кечкенәдән, гаиләдә үк өйрәтергә кирәклегенә басым ясады.