Өлкәннәр декадасында «Игелек үзәге» тарафыннан «Сугыш чоры балалары» исеме астында үткәрелгән район фотокүргәзмә бәйгесендә катнашып, 4 нче класс укучысы Муллагалиев Айназ Айзат улы, татар теле һәм әдәбияты укытучысы Муллагалиева Гөлназ Кашаф кызы кызыксындыру бүләгенә ия булдылар.

Бүген 1 класста "Балаларның мәктәпкә әзерлеген тикшерү нәтиҗәләре" дигән темага ата-аналар җыелышы үтте.

Бүген мәктәбебездә Өлкәннәр көне уңаеннан бәйрәм булды. Мәктәпкә бик күп еллар эшләп, хәзерге вакытта лаеклы ялда булган укытучылар һәм техник хезмәткәрләр чакырылды. Мәктәп укучыларының матур концерт номерлары кунакларга бик ошады.  Соңыннан бәйрәм чәй табыны артында дәвам итте.

Татарстан Республикасының яшьләр һәм спорт эшләре буенча Министрлык үткәргән XI авыл спартакиадасында авыл район командалары арасында хезмәттәшебез Мөбәрәкҗанова Гөлчәчәк шахмат буенча  беренче урынны алды һәм 1 нче дәрәҗә диплом, медаль белән бүләкләнде. Коллегабызга уңышлар телибез. Ярыш 26-28 сентябрьдә Әлмәт шәһәрендә үткәрелде. 

 1 нче класс укучылары мәктәп китапханәсенә экскурсиягә керделәр. Китапханәче балаларны китапларның урнаштырылуы, сакланышы белән таныштырды. Балалар кызыксынып тыңладылар һәм киләчәктә китаплар патшалыгына еш йөрергә сүз бирделәр.   

Район мәктәпләрендә төрле фәннәрдән олимпиадалар башланып китте. Безнең укучылар да үзләренең көчләрен сыныйлар. Математика, биология, җәмгыять белеме, физика, тарих, һ.б. фәннәрдән олимпиада үтте.

Өлкәннәр һәм укытучылар көне якынлаша. Хөрмәтле  кешеләребезне котлау өчен  әзерлек эшләре башланды. Көзге табигать тә бәйрәмчә бизәнгән.

Мәктәбебезнең яшь көрәшчеләре - Мөхәммәтханов Әлфис(4 кл), Гыйлемов Салават(4 кл), Салихов Рәмзил(5 кл) 1996 елгы көрәшчеләр арасында татар-башкорт милли көрәше буенча IIIурынны алдылар. Киләчәктә дә сездән уңышлар көтәбез. Афәрин!