Бүген мәктәбебездә Сингапур методикасы буенча укулар башланды. Укуларда Пучы, Байсар, Зөбәер мәктәбе укытучылары катнаша.

  Районда укучылар арасында уздырылган «Көзге кросс» та катнашып,11 класс укучысы Гайнетдинов Айнур 1нче урын, 8 класс укучысы Сәхбетдинов Шамил 3 нче урын, 10 класс укучылары Нургалиева Сөмбел һәм Әбубәкиров Рамил 4 урыннарны алдылар. Гомуми нәтиҗәләр буенча мәктәп командасы 4 урында. Котлыйбыз!           

Мәктәп укучылары арасында  «Игелек үзәге» нең гаилә һәм балаларга социаль ярдәм күрсәтү бүлекчәсе тарафыннан өлкәннәр ункөнлегенә багышлап, «Яшәгез сез, мәңге яшь булып!»  дип исемләнгән шигырь бәйгесендә катнашып, 4 класс укучысы Муллагалиев Айназ Айзат улы 1 урын, җитәкчесе Г.К. Муллагалиева,  3 класс укучысы Шайхуллина Гөлсем Фәрит кызы,  җитәкчесе З.Ф. Давлетова  кызыксындыру бүләгенә ия булдылар,  Әфәрин!                   

Физика фәненнән  «Наследники Левши» исеме астында «Тула дәүләт университеты» тарафыннан үткәрелгән олимпиада да катнашып, 9 класс укучысы Мусин Ринат Ришат улы, 2 дәрәҗә җиңүче дипломы белән бүләкләнде, укытучысы Хайруллин Илдус Назыйф улы. Котлыйбыз!    

М.Ю. Лермонтовның тууына 200 ел узу уңаеннан,мәктәп китапханәсендә аның иҗаты белән кызыксынган балалар өчен китап күргәзмәсе оештырылды. Рәхим итегез!

Мәктәп командасы Шагалиев Расим Фатих улы җитәкчелегендә бадминтон ярышында катнашып, Хөҗәтова Рәзилә 1 урын, Сәетова Лилия, Нургалиева Илүзә 2 урын, Имамова Таңсылу 3 урыннарны алдылар. Әфәрин!  Котлыйбыз! 

Балалар язучысы, шагыйрь Рәшит Бәшәрнең юбилее уңаеннан 3 нче класс укучылары белән  "Балачак илендә"  исеме астында китапханә дәресе үткәрелде.

1 нче класс укучыларының ата-аналары өчен физкультура фәненнән ачык дәрес үтте. 

1нче класста «Салават күперендә кунакта» дигән темага озынайтылган көн төркеменә йөрүче балалар катнашында укытучылар өчен ачык шөгыль булды.

Бүген район Балалар иҗат үзәгендә педагог-оештыручыларның киңәшмәсе булды. Киңәшмәдә алдагы уку елына эш планы каралды.