Бакчабызда "Россия минем Ватаным" атналыгы узды. Бу атналык кысаларында балалар асфальтта матур рәсемнәр ясадылар.

В детском саду прошла неделя "Россия  минем Ватаным". В рамках этой недели дети нарисовали красивые рисунки на асфальте.

Балаларны кызыксындыру, дустанә мөнәсәбәтләр тәрбияләү максатыннан бакчабыздан "Рус халык уеннары көне" узды. Балалар рус халкының милли уеннарын уйнадылар. Кечкенәләр төркеме балалары "Кошки-мышки" уенын матур маскалар киеп уйнадылар. Барлык балага да бик күңелле булды.

Бүген балалар туп белән кызыклы уеннар уйнадылар, чөнки бездә "Туп көне". Туп турында белгән шигырьләрен сөйләп, җырларын җырлап күңел ачтылар алар.

1 июнь - Балаларны яклау көне уңаеннан бакчабызда бик күңелле чара узды. Әлеге бәйрәм кызыклы уеннар, җырлар, биюләр белән үрелеп барды. Балаларыбыз сау-сәламәт булсыннар.

Бүген бакчабызда чыгарылыш бәйрәме гөрләде. Мәктәпкә әзерлек төркеменнән 24 бала быел мәктәп бусагасын атлап керәчәк. Ак юллар сезгә балалар, юлыгызда гел изге кешеләр генә очрасын, яхшы билгеләргә генә укыгыз.

Сегодня в нашем саду прошел выпускной. В этом году наш детский сад выпустил 24 детей. Дорогие ребята, пусть всегда встречают на вашем пути только хорошие и добрые люди.

Бүген бакчабызда татар халкының милли бәйрәме “Сабантуй” гөрләде.

Шатлыклар күңелебездә,

Ал кояш күгебездә,

Килегез, дуслар, кунакка

Сабантуй бүген бездә!

Әлеге шигырь юллары белән башланып киткән бәйрәмебез матур җырлар, биюләр, уеннар белән үрелеп барды. Г.Тукай әкиятеннән адашып килеп кергән Шүрәле дә балалар белән бергәләп “Аркан тарту”, “Чүлмәк вату”, “Капчык киеп йөгерү”, “Көянтә белән су ташу”, “Кашыкка йомырка куеп йөгерү”, “Атта чабу” кебек милли уеннар аша Сабантуйның никадәр күңелле бәйрәм икәненә ышанды. Бәйрәм ахырында барлык балалар белән бергәләп, татар халык көенә флешмоб оештырылды. Уеннарда катнашып, җырлап-биеп күңел ачтык бүген!

Бакчабызның мәктәпкә әзерлек төркеме балалары  әти-әниләргә "Без инде хәзер зурлар" дип исемләнгән интегральләшкән ачык эшчәнлек күрсәттеләр. Балалар инглиз, рус һәм татар телендә бик күп белүләрен исбатлап күрсәттеләр. Мәктәптә гел "яхшы" билгеләренә генә укыгыз. Уңышлар сезгә, балалар!

Театр атналыгы кысаларында бүген бакчабызның зурлар төркеме балалары Абдулла Алишның "Куян кызы" әкиятен тәкъдим иттеләр. Һәр бала үзенә бирелгән рольне оста итеп башкарып чыкты. Молодцы балалар!

Педагогик киңәшмә алдыннан бакчабызда коллектив күзәтү уздырылды. Барлык төркемнәрдә дә ачык эшчәнлекләр каралды. Тәрбиячеләр һәр эшчәнлеккә бик нык әзерләнгәннәр. Эстетик, зәвыклы күрсәтмәлелек үзенә җәлеп итте. Һәр эшчәнлек кызыклы уеннар һәм биремнәр белән үрелеп барды.

Бүген, 15 май-Гаилә көне. Шул уңайдан төркемнәрдә "Минем гаиләм" темасына әңгәмәләр алып барылды, рәсемнәр ясалды. 2 кечкенәләр төркеме нәниләре үзләренең гаиләләрен бик яратуларын белдереп, матур рәсемнәр ясадылар.