18 февраль көнне "Яшьлек"мәдәни үзәгенең матур залында сәнгать мәктәбе өлкән буын ветераннарыбыз, махсус операциядә катнашкан ир-егетлэребезнең гаиләләре, башкалабыз Казаннан килгән хөрмәтле мәгариф хезмәткәрләре, килгән һәрбер кунакны кайнар сәламләп үзенә җыйды.

17-28 февраль көннәрендә, АКТАНЫШ ТУГАН ЯК МУЗЕЕ сәнгать мәктәбенең АЙРАТ ИЗИЛ улы САРВАРОВ җитәкчелегендәге рәсем бүлеге укучылары тарафыннан оештырылган "КАРЛЫ ПАЛИТРА" исеме астында күргәзмәсе белән рәсем сәнгатен сөючеләрен үзенә чакыра. Әйтергә кирәк,күргәзмә бик зәвыклы кышкы пейзаж күренешләрен тәсвирлаган эшләр белән оештырылган.

16 февраль көнне Түбән Кама шәһәрендә  «ЖЕМЧУЖИНЫ ТАТАРСТАНА» VIII Халыкара сәнгать фестиваль-конкурсында  "Шатлык" бию ансамбле  ике номинанациядә чыгыш ясап, икесендә дә 1 нче дәрәҗә лауреат булдылар! Ансамбльнең җитәкчесе Айзирәк Локманова. КОТЛЫЙБЫЗ!
 

12 февраль көнне Әлфия Авзалова исемендәге район мәдәният йортында вокал бүлеге укытучыбыз, "Тамчы" үрнәк вокал ансамбле җитәкчесе Мостафина Лилия Реваль кызы "Работа над строем в вокальных партиях и постановка концертного номера" темасына мастер класс үткәрде. 

12 февраль көнне Актаныш сәнгать мәктәбендә Бөек Җиңүнең 80 еллыгына  һәм Ватан Герое елына багышланган "Былбыл" яшь вокалистларның II гомуммәктәп конкурсы гөрләп узды.

11 февраль көнне рәсем бүлеге укытучысы Айрат Сарваров укучылары белән "Тормышың синең кулда" дигән класс сәгате үткәрде.

6 февраль көнне үрнәк вокал ансамбльләребез Тамчы", Умырзая"  Рухият фондының Әлмәт шәһәрендә "Сандугач сайрар илем" XXVIII балалар иҗаты фестиваленең "Вокал ансабльләр" номинациясендә катнашып. " лаеклы 1 нче дәрәҗә лауреатлар исемен алып кайттылар! Җитәкчеләре - Лилия Мостафина, Разида Хаҗиева.

Шундый тема астында, Альбина Идрис кызы Хөсәенова житәкчелегендәге театр сәнгате бүлеге укучылары һәр елдагыча Актаныш радиосында өйрәнгән шигырьләрен укыдылар. Балалар хәрби-патриотик айлык кысаларында сугыш, җиңүгә багышланган шигырьләрен тәкъдим иттеләр.
 

26 январь көнне Чаллы шәһәрендә яшь башкаручыларның "Беренче адымнар" республика фестиваль-конкурсында биючеләребез бик уңышлы чыгыш ясадылар."Шатлык" бию ансамбле ике номинациядә катнашып, 1 нче дәрәҗә, 3 нче дәрәҗә лауреат, "Алмалары-чияләре" ансамбле 1 нче дәрәҗә лауреат булдылар. Ялгыз биючеләребез Шайхеразиева Айзилә, Хәбибуллина Риана 1 нче дәрәҗә, Вагизова Карина, Шәрипова Ясминә 2 нче дәрәҗә лауреат, Хәбибуллина Зәлия, Аглямов Айнур 3 нче дәрәҗә лауреатлар. Парлы биючеләр Саетов Әмир, Шәрипова Ясминә 1 нче дәрәҗә лауреат, Зәкиев Раяз, Нургалиева Азалия 3 нче дәрәҗә лауреатлар! Укытучылары Айзирәк Локманова, Гөлнара Зайцева, Ленара Шәрипова. КОТЛЫЙБЫЗ!

21 январь көнне театр бүлеге укучылары укытучылары Альбина Хөсәенова белән берлектә, С. Өметбаев исемендәге Минзәлә татар дәүләт драма театрының, Ильяс Закиров иҗат иткән һәм сәхнәгә куйган, "Әни"  мелодрамасын тамаша кылдылар.Төрле тәрбия алган балаларның язмышы, әниләре белән үзара булган мөнәсәбәте сурәләнгән әлеге спектакль һәркемнең күңел түренә үтеп кереп иң нечкә кылларын да тибрәтте.
Спектакльдән соң артистлар белән очрашып әсәр иҗат итү образ өстендә эшләү буенча кызыксындырган сорауларына җавап та алдылар. Актёр эшчәнлеге өчен бик мөһим булган игътибар буенча, профессиональ артистлардан мастер-класс үттеләр. Балаларда бу очрашу театр сәнгатенә булган мәхәббәтне тагын да ныгыткандыр дип ышанасы килә.