Бүген катнаш төркем тәрбиячесе Лилия Вазиховна Мирзасалихова балалар белән дару үләннәре турында әңгәмә үткәрде. Бакча территориясендәге юкә агачлары янында юкә чәчәгенең файдалы үзлекләре турында сөйләде. Балаларның дару үләннәре турындагы белемнәре ныгытылды.

Тәҗрибә участогында балалар яшелчә төрләре, бөртекле культуралар белән танышалар, яшелчәләргә су сибәләр, чүпләрен утыйлар.

Бүген бакчада гомуми ата-аналар җыелышы булды. Казан, Мамадыш, Бөгелмә шәһәрләрендә булган ачык тәрәзәдән бала егылу очракларын истә тотып, балаларның иминлеген саклау, караучысыз калдырырга ярамавы турында, ачык тәрәзәгә балаларны якын китермәскә кирәклеге искәртелде, инструктажлар алынды.

Җәйге чода да балалар бакчасында балаларны чисталыкка, тәртипкә өйрәтү дәвам итә. Тәрбиячеләр балаларга  комлыкта уйнаганнан соң, уенчыкларын җыеп, уен мәйданчыгын җыештырып куярга кирәклеген аңлаталар.

Бакчабыздагы чәчәклекләрне карауда хезмәткәрләргә балаларыбыз да ярдәм итәләр, чистартып, чүп үләннәрен утап торалар - кечкенәдән эшкә, матурлык тудыруга, чисталыкка, тәртипкә өйрәнеп үсәләр. Бу, шулай ук, эстетик тәрбия чарасы булып та тора.

Бүген Яңа Әлем балалар бакчасы хезмәткәрләре яфрак печән әзерләүдә катнашты.

Бакчабызда һәм авылыбыз җирлекләрендә җәйге эшләр сезоны ачылды. Балалар бакчасы коллективы бакча территориясендәге эшләрдән яшелчә, җиләк-җимешләр, чәчәклекләр булдыру эшләре белән беррәттән авыл җирлеге буенча оештырылган өмшләрдә дә актив һәм даими катнашып бара. Бүгенге көндә юл буйларында печән чабу, чистарту, сабантуйга әзерләнү, чәчәк үсентеләрен утыртып бетерү, аларны чүп үләннәреннән эшкәртү өстендә эшлибез.

Табигатькә чыктык.

Шатлык күңелебездә,

Ал кояш күгебездә.

Килегез, дуслар, кунакка,

Сабантуй бүген бездә!