Бүген бакчабызда зурлап Сөмбелә бәйрәме билгеләп үтелде. Бәйрәмгә Куян, Төлке,  көз кызы Сөмбеләнең килүе аны тагын да җанландырды. Балалар көз турында белемнәрен ныгыттылар, җитезлектә, өлгерлектә ярыштылар. Бәйрәм бик күңелле булды.

Балалар кышны, чана-чаңгы, тауда шуып уйнауларны сагынып көтеп алалар, шуңа күрә дә беренче кар яву белән алар шатланып кар тәгәрәтеп уйнарга ашыктылар.

Бүген балалар бакчалары балалары арасында уздырылган "Горурланабыз сезнең белән, ветераннар" дип аталган рәсем конкурсына йомгак ясалды. Яңа Әлем балалар бакчасыннан Нуриманова Дилия (4яшь) җиңүче дипломы белән бүләкләнде.

Шушы көннәрдә балалар бакчасында һәр төркемдә ата-аналар җыелышлары булып узды.

Бүген бакчабызда хезмәткәрләр укытучылар көнен билгеләп үттеләр.

Сездәдер ул йөрәкләрнең иң олысы,

Сездәдер ул күңелләрнең иң җылысы.

Һәркөн сезгә ничә сабый карап тора.

Алар сезне әниседәй якын күрә.

Бүген бакчада Өлкәннәр көне уңаеннан бәйрәм иртәсе булып үтте. Балалар әби-бабайларын, дәү әти- дәү әниләрен котлап шигырьләр сөйләделәр, җырлар җырладылар, матур биюләрен бүләк иттеләр. Бәйрәм азагында өлкәннәр үзләре дә төрле уеннарда катнышып күңел ачтылар.

Бүген Яңа Әлем балалар бакчасы коллективы оешкан төстә Яңа Әлем авылында уздырылган "Милләтләр кроссы"нда  катнашты.

Бүген мәктәпкә әзерлек һәм уртанчылар-зурлар төркемнәре балалары тәрбиячеләр Лилия  Мирзасалихова, Фирүзә Закирова һәм кече тәрбиячеләр Гөлнара Фатихова, Нәфисә Давлетовалар җитәкчелегендә көзге урманга сәяхәткә бардылар.

Бүген Яңа Әлем балалар бакчсында хезмәткәрләр җыелышы булды.  Бакча мөдире Гүзәл Сәрвәрова эшчеләрне алда торган эшләр, бурычлар белән таныштырды.

Бакчаларда көзге уңыш өлгергән вакыт. Балаларга экологик яктан чиста яшелчәләрне үз бакчабызда үстердек. Шушы көннәрдә яшелчәләрне җыеп алып, саклауга урнаштыру белән мәшгуль булдык.