19 гыйнвар көнне мәктәп командасы район укытучылар спартакиадасында катнашты.

"Без бердәм ил" фестивале кысаларында "Барысы да уйныйлар" конкурсы үтте. Укучылар татар халкының милли гореф-гадәтләрен, биюләрен, уен-җырларын өйрәнделәр.

"Гадәттән тыш хәл балалар күзе белән" район конкурсында 2 класс укучыларының коллектив эше 1 урынга лаек булып, республика этабына җибшрелде. Шул ук конкурста 4 класс укучысы Давытова Ләйсәннең рәсеме район күләмендә 2 урынга лаек булды (укытучылары Басирова Ф.Ә.). Җиңүчеләрне котлыйбыз!

"Без бердәм ил" фестивале кысаларында уздырылган "Дөньяга иминлек" терроризмга каршы рәсем конкурсы уздырылды. Мәктәп күләмендә 1 урынга лаек булган Сафин Илмир  (6 класс) ның эше район турына җибәрелде.

11 гыйнвар көнне "Бер күрешү үзе бер гомер" исеме астында студентлар белән очрашу уздырылды.

29 декабрьдә мәктәптә Яңа ел бәйрәме үткәрелде. Бәйрәм тамашасы уеннар, конкурслар һәм маскалар чыгышы белән үрелеп барды, алдынгы укучылар бүләкләнде.

Әкрен генә йомшак карлар ява,

Күңелләргә сафлык, моң салып,

Яңа елда саулык, бәхет килсен,

Кышкы бураннарга уралып.

Күңелләрдә шатлык ташып торсын,

Сагышларга урын калмасын,

Алда туар көннәр якты булсын,

Ходай кайгылардан сакласын!

Яңа ел белән сезне!

9 класс укучысы Мәҗитова Инзилә "Йолдызлык-2013" конкурсының район турында "Нәфис сүз" номинациясендә III дәрәҗә лауреат исеменә лаек булып, Диплом белән бүләкләнде. Афәрин, Инзилә!

13 декабрь көнне тарих, география, математика, рус теле, биология фәннәреннән 13 укучы Сәләтле яшьләрне үстерү үзәге тарафыннан уздырылган  III нче Бөтенроссия дистанцион предмет олимпиадаларында катнашты.

9 класс укучылары рус теле һәм математика фәннәреннән сынау рәвешендә уздырылган Дәүләт йомгаклау аттестациясе контроль биремнәрен үтәделәр.