Кичә мәктәбебез укучылары  чит телдән сәхнәләштерелгән район  җыр конкурсында беренче урынны алып кайттылар. (Укытучылары Локманова М.И.). Афәрин!

15 октябрь көнне 8 класс укучысы Ибраһимова Айгөл Меташкола ачык интернет-конкурсы буенча уздырылган "Война вирусов" ярышында, 7 уен тактасында да компьютерны җиңүгә ирешеп, 1 нче дәрәҗә дипломга лаек булды (Укытучысы Даутова Г.Г.)

5 класс укучылары рус теле һәм математикадан үзләре сайлап һәм метапредмет тикшерүләре уздылар. Тикшерү нәтиҗәләре http://www.predm.kpmo.ru/ сайтына урнаштырылды

4 октябрь көнне мәктәптә Өлкәннәр ункөнлеге һәм Укытучылар көненә багышланган кичә үткәрелде. Бәйрәм башлангыч класс укучылары чыгышы белән башланып китте һәм укучылар әзерләгән концерт номерлары, өлкәннәр өчен уеннар белән үзара матур итеп үрелеп барды. Кичә чәй табынында сөйләшүләр белән төгәлләнде. Өлкән яшьтәге укытучылар һәм  хезмәткәрләребез әзерләнгән кичәдән бик канәгать калдылар.

3 класс укучысы Хамзина Наилә математикадан МетаШкола дистанцион телдән исәпләү конкурсында 2 дәрәҗә, 8 класс укучысы Айгөл Ибраһимова математикадан олимпиадада 3 дәрәҗә дипломга лаек булдылар. Уңышлар юлдаш булсын аларга! 

27 сентябрь көнне  мәктәптә "Көзге бал" бәйрәме узды. Мәктәп укучылары, 2 командага бүленеп, зирәклек, матурлыкны аңлый белү, иҗадилык һәм хезмәт күнекмәләре буенча үзара көч сынаштылар. Ярышлар башлангыч класс укучылары әзерләгән концерт номерлары белән үрелеп барды. Конкурс азагында нәтиҗәләр чыгарылды. Бәйрәмдә һәр команда да җиңүче булды. Афәрин!

Бүген мәктәп коллективы табигатькә экскурсиягә чыкты. Без анда көзге гүзәллекне күзәттек, табигатьтәге үзгәрешләр турында сөйләштек, учак ягып, бәрәңге пешердек, уеннар уйнадык. Иң хәтердә калганы Балык күлендә йөзүче горур аккошлар булды. Көзге ял барыбызга да ошады.

2013 елның 1 сентябрь – Белем бәйрәме безнең мәктәптә онытылмаслык бер тарихи вакыйга булып истә калачак. Чөнки безгә, шушы мәктәпне тәмамлаган якташыбыз, горурлыгыбыз  Татарстан Республикасы  вице-премьер урынбасары вазыйфаларын башкаручы, Фән һәм мәгариф министры Энгель Нәвап улы Фаттахов кунакка кайтты.

Бүген бөтен мәктәп укучылары һәм укытучылар өчен иң күңелле көн: бергәләшеп без табигатькә ял итәргә бардык, үзебез өчен традициягә әйләнгән "Карга боткасы" бәйрәмен уздырдык!

Бүген мәктәптә "Соңгы кыңгырау" бәйрәме узды..

Быел 9 классны 5 укучы тәмамлый, балачакны еракта-еракта калдырып, олы тормыш юлына беренче адымнарын атлый. Сау булыгыз!