Бүген ата-аналар белән берлектә "Балаларның җәмәгать урыннарында куркынычсызлыгы чаралары турында" темасына сөйләшү уздырылды. Шул ук вакытта ата-аналар Татарстан Республикасы Дәүләт һәм муниципаль хезмәтләре порталы белән таныштылар.

Бүген мәктәбебез коллективы авыл җәмәгать үзәгендә Ватанны саклаучылар көненә багышланган бәйрәм кичәсе оештырды. Кичә барышында командалар җитезлектә көч сынаштылар. Уеннар концерт номерлары белән үрелеп барды.

Мәктәптә хәрби-патриотик айлык бара. Укучылар, "Кызыллар" һәм "Яшелләр" командаларына бүленеп, план нигезендә ярышларда, кызыклы чараларда катнашалар.

Дәүләт йомгаклау аттестациясенә әзерлек эшләре дәвам итә. 30 гыйнвар көнне мәктәптә сынап карау шарты белән рус теленнән 9 класс укучыларына ГИА уздырылды. 1 февральдә ата-аналары белән түгәрәк өстәл артында сөйләшү уздырылды.

Бүген мәктәптә Мәүлид бәйрәме уздырылды. Аны Әхлак тәрбиясе дәресләрен алып баручы лаеклы ялдагы хөрмәткә лаек укытучыбыз Лира апа Харисова оештырды. Кичә укучылар һәм укытучылар күңеленә хуш килде. 

29 гыйнвар көнне 7 класс укучысы  Ибраһимова Айгөл "Мин-Россия гражданины" район конкурсында уңышлы чыгыш ясады. Афәрин, Айгөл!

Рус теле атнылыгында 7-8 класс укучылары тарафыннан әзерләнгән  "Битый небитого везет" әкияте буенча курчак театры чыгышы күрсәтелде.

29 көнне 5-6 класс укучылары А.С.Пушкин иҗаты буенча "Своя игра" уенында үзләренең белем һәм сәләтләрен күрсәттеләр. 31.01. көнне уздырылган "Әкияттә кунакта" кичәсе күпләрнең күңеленә хуш килде.

Бүген мәктәбебездә рус теле һәм әдәбияты атналыгы башланды. Атналык әйләнә-тирә мохитны саклау елына багышланган "Урман-безнең байлыгыбыз" дигән кичә белән башланып китте.

"Ел укытучысы -2013" конкурсының мәктәп этабы узды. Татар теле һәм әдәбияты укытучысы Фаррахова Рузилә Рәсим кызы җиңеп чыкты. Хезмәттәшебезгә алдагы ярышларда уңышлар телибез.