17 февральдә Спорт- сәламәтләндерү айлыгы кысаларында чаңгы эстафетасы узды.

Сочида кышкы олимпиада барган көннәрдә безнең мәктәптә дә кышкы ярышлар гөрләп бара. 18 февральдә командалар биатлон ярышында көч сынаштылар. Бу юлы "Спартаковчылар" уңышка ирештеләр. Афәрин!

Бүген Мәҗитов И.(9 кл), Гыйлмуллина А.(9 кл), Кашбуллин Д.(8 кл), Галиева А.(9 кл), Фаррахов Р.(7 кл), Гыйлмуллина Г.(7 кл) мәктәп командасы составында район Кышкы спартакиада ярышларында катнашты.

Гасыр төпкеленнән килә аваз,

Хәтерләрдә тарих яңара:

“Онытмагыз! Хәтерләгез безне!

Шәһит булдык авыр яуларда".

Әфган сугышы... Бу коточкыч вакыйгаларга нокта куелган 1989 нчы елның 15 нче февраль көненнән соң нәкъ 25 ел вакыт узып киткән. 15 нче февраль – Россиядә интернационалист сугышчыларны искә алу көне итеп үткәрелә. 

14 февраль көнне герой шагыйрь Муса Җәлилнең тормыш юлы һәм иҗатына багышланган әдәби кичә уздырдык. Анда патриотик шагыйрь турында бик күп мәгълүматлар алдык һәм аның турында белемебезне сынап карау максатыннан ике командага бүленеп ярыштык. ( Оештыручылар: Фаррахова Р.Р., Тутаева И.Х.)

14 февраль - Изге Валентин көне.  Бу көнне без мәктәп почтасы аша хатлар алыштык, бер- беребезгә котлаулар юлладык. Нинди күңелле бәйрәм.

Бүген 5-6 класс укучыларыннан торган команда район "Математик карусель" конкурсында катнашты. (Укытучылары З.Ф.Хамзина)

Бүген 9 класс укучылары математикадан Дәүләт йомгаклау аттестациясенә әзерлек максатыннан Байсар урта мәктәбендә сынап карау шарты белән имтихан биреп кайттылар.

Математика укытучысы Даутова Гөлфинә Гыйлфан кызы "Ел укытучысы" конкурсында 2 турга узды. Аңа алда торган сынауларында уңышлар телибез.

5 февраль көнне Сәфәр урта мәктәбендә 9 класс укучылары рус теленнән сынап карау шарты белән имтихан биремнәре үтәргә бардылар.