18 ноябрь көнне Меңнәр мәктәбендә "Белем бирү сыйфатын камилләштерү чарасы буларак Сингапурча укыту методлары" дигән темага педагогик киңәшмә уздырылды. Укытучылар бу көн тәртибендә Сингапурча укыту системасы алымнары буенча алган белемнәре белән уртаклаштылар, фикер алыштылар һәм аларны куллану буенча  биремнәр үтәделәр. Шулай ук киңәшмә барышында 1 чирек йомгаклары, сыйныф журналлары тутырылышы турында сөйләшүләр уздырылды.

12 ноябрь көнне мәктәбебезнең 1 класс укучылары өчен чын мәгънәсендә бәйрәм булды. Бу көнне алар өчен Меңнәр авылы китапханәсендә мәдәният дәресе узды.

Бу атна 9 класс укучылары өчен бик киеренке үтте. Алар 12 ноябрьдә математикадан район сынап карау имтиханы эшләре, 15 ноябрьдә РЦМКО үзәгенең тест биремнәрен үтәделәр.

Бүген мәктәбебездә 1, 2 класс укучыларын эзтабарларга кабул итү буенча дружина сборы уздырылды.

Шушы көннәрдә "Чишмә" ҖЧҖ ярдәме белән мәктәпнең информатика кабинетына җиһазлар кайтты.

Сегодня в школе проводился конкурс "Русский медвежонок"

Укытучылар көне уңаеннан районда уздырылган "Сез иң галим кеше икәнсез" исемле иншалар конкурсында 7 класс укучысы Данис Камалов 2 нче урын яулады.

30 октябрь көнне мәктәп укучылары Интернет куллану буенча куркынычсызлык турында сөйләштеләр. Алар, "Интернешка"  һәм "Митясик" белән бергәләп, сәяхәт кылдылар, Интернетны дөрес куллану кагыйдәләрен ачтылар, нәтиҗәләр чыгардылар.

28, 29 октябрь көннәрендә укытучылар коллективы Сәфәр урта мәктәбендә оештырылган "Татарстан Республикасында белем бирү сыйфатын күтәрү"  программасы буенча тренингта катнашты. Анда укытучылар Сингапур белем бирү методларына төшенделәр, аны кулланырга өйрәнделәр. Укулар файдалы һәм мавыктыргыч рәвештә үтте.

Бүген 9 класс укучылары рус теленнән сынап карау шарты белән уздырылган Төп Дәүләт имтиханы биремнәре үтәделәр.