Бүген Меңнәр төп гомуми белем бирү мәктәбендә хәзерге көндә лаеклы ялда булган, мәктәптә күп еллар эшләгән пенсионер -укытучылар һәм мәктәп хезмәткәрләре белән очрашу булды.Бу очрашуда алар бик теләп укучыларның концерт номерларын карадылар. Укучылар ветераннарыбызны котлап,чәчәк букетлары тапшырдылар. Педагог-организаторлар КашаповаЛ.Р, Саттарова Г.Г ярдәмендә төзелгән, өлкән буын укытучыларыбызның мәктәп елларына багышланган "Картая мени соң йөрәк"  дип аталган презентациясен карадылар. Аннан соң очрашу күңелле итеп, чәй табыны янында дәвам итте. Бераз гына олыгайган булсалар да,күңелләре белән һаман да яшь икән әле безнең ветераннарыбыз! Алгы тормышларында сәламәтлек, күңел тынычлыгы телик без аларга.

Картая мени соң йөрәк,маңгайлар сырланса да,

Үтте яшьлек,юләрлек дип, җырларда җырланса да.