20 декабрьдә районда үткәрелгән баскетбол ярышында безнең мәктәпнең егетләр командасы 3 урынга лаек булдылар. Афәрин! (Укытучы: Туктаров Б. Р.)

 Бүген безнең мәктәпнең егетләр командасы баскетбол ярышына киттеләр. Аларга уңышлар теләп калабыз!

 19 нчы декабрь көнне "Оста куллар" күргәзмәсе оештырылды. Анда укучыларның яңа елга багышланган рәсемнәре һәм үзләре ясаган чыршы уенчыклары куелган иде. Бу күргәзмәдән укучыларыбызның нинди оста һәм уйлап табучан икәнлеген күрдек. Молодцы!

19 декабрь - Киров авыл җирлегендә шугалак ачу тантанасы үткәрелде. Балалар бозда рәхәтләнеп шудылар. Тантанага кыш бабай да кунакка килгән иде. Укучылар әлеге тантанадан бик кәнагать калдылар.

 17 нче декабрь көнне  1 - 4 класслар арасында "Күңелле стартлар" ярышы булды. Әлеге ярышта алар 2 командага бүленеп көч сынаштылар. Укучылар ярыштан бик кәнагать калдылар.

 Бүген 5 - 6 класстан 3 укучы "Математик карусель" ярышына киттеләр. Аларга уңышлар теләп калабыз.

 18 нче декабрь көнне башлангыч класс укучылары арасында "Математик КВН" булып узды. Бу бәйгедә укучылар кызыклы мәсьәләләр, ребуслар, логик фикерләүгә биремнәр чиштеләр. Иң зирәк һәм тапкыр укучылар билгеләнде. Алар: Сибгатуллина З. (1 кл), Гизетдинов А. (2 кл), Ганиев Н. (3 кл), Имамов Н. (4 кл).

Афәрин!

16 нчы декабрь көнне башлангыч сыйныф укучылары арасында "Иң матур язучы" конкурсы үткәрелде. Төп максат: каллиграфик дөрес һәм матур язу. Һәр класстан җиңүче укучылар билгеләнде. Алар: Самигуллина И (1 кл), Ибрагимова И. (2 кл), Галимарданова З.(2 кл), Рашитов Б. (4 кл). Бу укучыларны җиңүләре белән котлыйбыз!

 16 нчы декабрь көнне районда татар теленнән олимпиада үткәрелде. Әлеге олимпиадада безнең мәктәптән 8 нче класс укучысы Рашитов И. К. призёр булды. Укытучысы Рашитова И. Аларны уңышлары белән котлыйбыз! Афәрин!

 Бүген 5 - 11 нче класс укучылары авыл мәдәният йорты каршында кар сыннары ясадылар.