5 февраль көнне  Актанышның икенче мәктәбендә "Бер солдат тарихы" дигән темага эшләнгән баннерларны яклау ярышы үтте. Бу ярышта Киров мәктәбе "Иң яхшы бизәлешле баннер" номинациясенә ия булды.

4 февраль көнне районда ату ярышы үтте. Әлеге ярышта безнең мәктәптән Рашитова Алия (8 кл), Гардиев Айваз (8 кл), Биктимеров Алмариз (10 кл) катнаштылар һәм 5 нче урын алып кайттылар. (Укытучылары: Шайхулмарданов Ә. В.) Афәрин, укучылар!

Мәктәптә "Созвездие - Йолдызлык 2015" конкурсына әзерлек дәвам итә.

Районда уздырылган сочинение конкурсында 4 нче сыйныф укучысы Сибгатуллин Азамат I урынны алды. "Батырларга мәңгелек дан!" дигән темага сочинение язды. Афәрин! (Укытучысы: Самигуллина Ф. И.)

Башлангыч класслар арасында эзләнүле проект эшенә материаллар җыя башладылар. 

1 кл -  Әйләнә - тирә

2 кл - Әйләнә - тирә

3 кл - Математика 

4 кл - Татар теле фәннәре буенча.

Лениногорск шәһәренең 11 нче гимназиясендә XII Республикакүләм Ризаэддин Фәхреддин укулары үткәрелә. Татар теле һәм әдәбият укытучысы Рәшитова И. С. фәнни - эзләнү эше белән 4 нче февральдә үткәреләчәк конференциягә чакырылды. Уңышлар теләп калабыз! 

30 гыйнвар көнне 3 нче класс укучысы Ганиев Нурислам, 4 нче класс укучысы Сибгатуллин Азамат сочинение конкурсының зона ярышында җиңеп, район этабына киттеләр. (Укытучылары: Гиздуллина А. Ф., Самигуллина Ф. И.) Аларга уңышлар телибез!  

Мәктәбебездә "Созвездие - Йолдызлык 2015" конкурсына әзерлек эшләре бара.

29 гыйнвар көнне мәктәптә Җиңүнең 70 еллыгына багышланган 1 - 4 класслар арасында шигырь, 5 - 7 класслар арасында проза әсәрләрен сәнгатьле сөйләү конкурсы үткәрелде. Әлеге конкурста авыл китапханәчесе Сибгатуллина Э. Ф. катнашты. Уңышлы чыгыш ясаучылар: Хузина Азилә (3 кл), Галимарданова Зилә (3 кл), Имамов Нияз (4 кл), Сибгатуллина Алисә (7 кл), Карамуллина Юлия (7 кл)

29 нчы гыйнвар көнне Кировта хоккей буенча Актаныш кадет интернат һәм Киров мәктәбе командалары көч сынашты. 2 : 1 исәбе белән Киров мәктәбе командасы беренчелеккә чыкты. Афәрин, егетләр!