6 нчы январь көнне районда көрәш буенча ярыш үткәрелде. Әлеге ярышта безнең мәктәптән өч укучы катнашты. 30 кг авырлыкта Бокаян Титал (6 кл) - 2 урын, 75 кг авырлыкта Аглямов Илназ (8 кл) - 2 урыннарны яуладылар. Афәрин, егетләр! (Укытучылары Туктаров Б. Р.)

7 нче январь көнне районда яхшы укучылар өчен "яңа ел" бәйрәме үткәрелде. Бу бәйрәмгә район буенча 100 уку алдынгылары чакырулы иде. Алар арасында безнең мәктәптән Камалова Г (9 кл), Хафизова Ч (9 кл), Рашитов И (8 кл), Сибгатуллин И (8 кл) катнаштылар. Укучыларыбыз бәйрәмнән күчтәнәчләр алып, күңелле ял итеп кайттылар. Әлеге бәйрәмдә 12 укучыдан торган бию коллективыбыз да татар биюе белән чыгыш ясап кайттылар. 

5, 6 нчы январь көннәрендә "Йолдызлык" ка әзерләнү максатыннан укучылар белән татар биюе өйрәндек.

3 гыйнвар көнне районда Кыш бабай призына шахмат ярышы үткәрелде. Бу ярышта безнең мәктәпнең 4 нче класс укучысы Хамидуллин Илмаз  3 урынга лаек булды. Афәрин, Илмаз!  

30 нчы декабрьдә 2014-2015 уку елының беренче яртыеллык нәтиҗәләре буенча педагогик киңәшмә үткәрелде. Класс җитәкчеләренең чыгышлары тыңланды, яртыеллык эшчәнлеккә нәтиҗә ясалды, алдагы бурычлар билгеләнде

30 нчы декабрь көнне районда үткәрелгән чаңгы ярышында безнең мәктәптән Магдануров Булат (5 кл), Бокаян Титал (6 кл) катнаштылар. 

 Бүген районда рус теленнән олимпиада үткәрелде. Әлеге олимпиадада безнең мәктәптән 8 нче класс укучысы Сибгатуллин И. И катнашып 4 урынга лаек булды. Укытучысы Касимова Р. Р.

21 нче декабрь көнне Казанның “Татнефть-Арена” Боз сараенда төп Республика Яңа ел чыршы бәйрәменә килүче балалар бәйрәм итте. 7 меңләп тамашачы, шул исәптән, Татарстанның муниципаль берәмлекләреннән 2 меңләп бала: 7-11 сыйныф укучылары, балалар йортларында тәрбияләнүчеләр, ятимнәр, мәктәп иҗтимагый тормышына актив өлеш кертүчеләр, уку алдынгылары, фестиваль һәм спорт ярышларында җиңүчеләр тамаша кылды. Әлеге бәйрәмдә безнең мәктәптән 10 класс укучысы Бикемова Г. М катнашты.