Бүген 11 класс укучылары өчен гимназиядә математикадан БДИ үткәрелә.

Тиздән гимназиядә Яңа ел бәйрәмнәре узачак. Кыш бабай белән Кар кызы бәйрәмгә 7-8 класс укучыларын 27 нче декабрь 15 сәгатьтә, 2-4 ләрне 28 нче декабрь көнне 9 сәгатьтә, 5-6 ларны 12 сәгатьтә, 9-11 ләрне 17 сәгатьтә көтеп калалар. Рәхим итегез, укучылар!

Районда "ТИН укытучысы - 2011" конкурсының финал этабы уза. Безнең гимназиянең ТИН укытучысы Ришат Тимершаех улы да анда катнаша. Аңа уңышлар телибез.

Гимназиядә "Созвездие-Йолдызлык - 2012" телевизион эстрада сәнгате фестиваленең мәктәп туры бара. Фестиваль өч көн дәвам итә.

Татар теленнән олимпиаданың район туры тәмамланды. Безнең гимназиянең кызлары Шәвәлиева Гүзәл (9 сыйныф), Шәрипова Миләүшә (11 сыйныф) - 1 урын, Валькова Алена (10 сыйныф) - 2 урын яуладылар. Укытучылары Әминова Ләйсән Галиәкбәр кызы. Афәрин!

29 ноябрь көнне физик культура фәненнән олимпиаданың район туры узды. Харрасова А.Р. шәкертләре Зәйнуллин Айнур (11 сыйныф) - I урынга, Шагзамова Алинә (11 сыйныф) - II урынга, Шәкүрова Айгөл (8а сыйныфы) - II урынга ия булдылар. Җиңүчеләребезне чын күңелдән котлыйбыз.

Районда җәмгыять белеме фәненнән олимпиада булып узды. Безнең гимназия укучылары анда уңышлы гына чыгыш ясадылар. 8а сыйныф укучысы Шәйхин Айдар I урынга, Валькова Алена II урынга, Әсләмов Динар III урынга лаек булдылар. Укытучылары Абдуллина М.М. Афәрин!!!

Тормыш иминлеге нигезләре олимпиадасында 10 сыйныф укучысы Әсләмов Динар II урынга лаек булды. Укытучысы Сибгатуллин Р.Т. Җиңүчене котлыйбыз.

Шимбә көнне кызлар арасында район буенча волейбол ярышы булып узды. Гимназия командасы анда III урын алуга иреште. Кызларыбызга алдагы ярышларда да уңышлар телибез.

Солтанова Сөмбел (9 сыйныф) - экология олимпиадасында II урын алуга иреште. (Укытучысы Вәлиева А.Р.) Афәрин!