17 февраль көнне гимназия базасында "Ел укытучысы - 2012" конкурсы район этабының 2 туры узачак. Конкурста гимназия, Актаныш 1 нче, Актаныш 2нче, Яңа Әлем, Кадет, Богады, Меңнәр мәктәпләре укытучылары катнашачак.

2012/13 нче уку елында Татарстан мәктәпләре тулысынча электрон журнал белән эшләүгә күчәчәк. ТР Мәгариф һәм фән министрлыгының приказы белән министрлыкның сайтында танышырга була. Тулырак...

12 февраль көнне бөтенрәсәй "Чаңгы юлы - 2012" көне буларак билгеле. Бу көнне Рәсәйнең барлык чаңгы сөючеләре шушы ярышта катнышыр дип көтелә. Гимназия коллективы да тулы составта чаңгы шуарга чыгачак.

Үткән атнада Казан шәһәрендә технология фәне буенча бөтенрәсәй олимпиадасының региональ туры үткәрелде. Районыбыз данын анда гимназия укучысы Шәйхуллин Илнар яклады. Ул үзенең проектын (фотода) уңышлы яклап, җиңүчеләр арасына керде. Илнар белән аның укытучысы Ришат Тимершаехович мактау грамотасы белән бүләкләнделәр. Илнарга уңышлар теләп калабыз.

6 февраль көнне гимназиябездә Күзәтчелек советының I утырышы узды. Анда ТР фән һәм мәгариф министрының беренче урынбасары Д.М.Мостафин, КФУның филология һәм сәнгать институты ректоры Р.Р.Җамалетдинов, Бөтендөнья татар конгрессы Башкарма комитеты җитәкчесе урынбасары И.И.Шәрипов, Татарстан Республикасы язучылар Берлеге рәисе И.М.Ибраһимов, “Яр-Чаллы социаль-педагогик технологияләр һәм ресурслар институты” ректоры Ф.З.Мостафина, Яр-Чаллы шәһәренең 36 нчы “Золотая горка” гимназиясе директоры Ф.М.Ивлева, Актаныш муниципаль район башлыгы Э.Н.Фәттахов, Актаныш “Сәләтле балалар өчен гуманитар гимназия-интернат”ының ата-аналар комитеты әгъзасы, гимназия укытучылары катнашты.

9 класс укучысы Шәвәлиева Гүзәл Казанда узган татар теле буенча республикакүләм олимпиадада 1 урын яулады. Мәктәп коллективы Гүзәлне һәм аның укытучысы Ләйсән Галиәкбәр кызын зур җиңүләре белән котлый һәм рәхмәт белдерә. Гүзәлнең алдагы елларда да шундый җиңүләр яулавын телибез.

Бүген гимназиядә Мәскәү шәһәрендә урнашкан Индонезия илчелеге мәктәбендә укучы балалар һәм аларның укытучылары белән видеоконференция узды. Очрашуда гимназиянең директоры, укытучылары һәм бер төркем укучылары катнашты. Конференцияне инглиз теле укытучысы Рамил Маратович оештырды. Мондый очрашулар ешрак оештырылачак дип уйлыйбыз.

Гимназиябезнең тормыш иминлеге нигезләре укытучысы Ришат Тимершаех улы Минзәлә шәһәрендә узган "ТИН ел укытучысы - 2012" республикакүләм конкурсының зона этабында уңышлы чыгыш ясап II дәрәҗә диплом белән бүләкләнде.

Узган атнада район үзәгендә хоккей буенча мәктәп командалары арасында финал ярышлары тәмамланды. Ничә еллар инде беренчелекне бирмәгән командабыз быел "нибары" 3 урынга ия булды. Егетләребезгә киләсе елда уңышлырак чыгыш ясавын теләп калабыз.

"Русский медвежонок" уен-конкурсына нәтиҗәләр ясалды. Мәктәптән иң югары күрсәткечләрне 2а класс укучысы Акбиров Илсуар белән 7 класс укучысы Анамова Диләфрүз күрсәттеләр. Рус теле укытучысы Диләрә Фирдинант кызы рәхмәт хаты белән бүләкләнде. Җиңүчеләргә рәхмәтләребезне җиткерәбез.