Рәсәй күләмендәге йөгерү көне кысларында   уздырылган җиңел атлетика кроссында бакчабыз коллективы актив катнашты. Иң өлкән яшьтәгеләр арасында Идрисова Дилә Җихангир кызы  3 нче урынга лаек булып, Мактау кәгазе, медаль һәм истәлеклә бүләк белән бүләкләнде.

Юл йөрү кагыйдәләренә өйрәтх иң кече яшьтәге төркемнәрдән үк башлана. Моның өчен бакчабыздагы автошәһәрчекнең әһәмияте бик зур. Бүегн уртанчылар төркеме балалары светофор белән таныштылар.

Көзнен иң матур көннәренең берсендә барлык төркем балалары көзге урманга сәяхәт кылдылар. Төрле төстәге яфраклардан букетлар ясадылар, агач күркәләре җыйдылар.  Спорт уеннары уйнарга да өлгерделәр. 

Балаларның янгын чыгу куркынычсызлыгы турында һәм янгын сүндерүчеләрең һөнәрләре турында белемнәрен ныгыту, ут-күзчыкмасын өчен үтәлергә тиешле кагыйдәләр белән танышу һәм балаларның сөйләм телләрен үстерү, бу һөнәрдәге кешеләр турында горурлык хисе уяту максатыннанбалалар бакчасының зурлар һәм мәктәпкә әзерлек төркеме нәниләре "Татарстан Республикасының янгынга каршы федераль хезмәтенең 15 нче отряды" Федераль дәүләт казна оешмасының 103 нче янгын сакчылыгы бүлегенә сәяхәт кылдылар. Балалар янгын сүндерүче машиналарның җиһазлары һәм янгын сүндерүчеләрнең киемнәре белән таныштылар, кайбер киемнәрне киеп тә карадылар. Шулай ук алар янгын бүлегенең диспетчер бүлмәсендә дә булдылар. Хезмәткәрләр Марат Арсланов һәм Фәрит Лотфуллиннар аларга кызыклы һәм аңлаешлы итеп янгын сүндерүчеләр турында сөйләде.

Район күләмендә уздырылган "Актаныш муниципаль районының иң брендлы сувениры" бәйгесендә безнең балалар бакчасы педагоглары да актив катнаштылар. Алар арасында Халилова А.А. 1 урынга, Нуриева З.Р. төркеменнән Хусниев Динияр 1 урынга лаек булдылар. Ә балалар бакчасы призлы 3 урынга лаек булды.

Бүген балалар бакчасында яңа уку елын бәйрәм белән башлап җибәрдек. Белем бәйрәмендә балаларны котларга төлке Алиса, мәче Базилио да килгәннәр иде. Мәктәпкә әзерлек төркеме балалары тәрбиячеләре Вахитова Г.Х., музыка җитәкчесе Халилова А.А. белән бергә  балаларны бәйрәм белән котлап матур җырларын, биюләрен, шигырьләрен бүләк иттеләр.

Август конференцияләре кысаларында котланучы педагоглар арасында безнең балалар бакчасы тәрбиячесе Насрыева Ландыш Нуровна да бар иде. Ул Актаныш муниципаль районы җитәкчесе Фаттахов Э.Н ның Мактау Грамотасы белән бүләкләнде. Без аны чын күңелдән котлыйбыз. Тагын да зуррак бүләкләр алуын теләп калабыз. Уңышлар Сезгә, Ландыш Нуровна!

Август конференциясе кысаларында балалар бакчалары тарафыннан оештырылган "Чемодандагы музей" күргәзмәсендә безнең балалар бакчасы зур әзерлек белән катнашты. Балалар бакчасы коллективы "Фотоаппаратлар музее" дигән темада бик бай материаллар туплады. Комиссиягә дә күргәзмәнең эчтәлеге бик ошады.

 Балалар  мультфильмнар карарга  бик яраталар. Алай  гына  да түгел, без  тәрбияче  апалар да, балалар белән бергәләшеп карап утырабыз аларны.Бу мультфильмнардагы вакыйгалар балаларны дөрес тәрбияләргә өйрәтә, аларның фикерләү дәрәҗәсен, фантазияләрен үстерә, дөньяны танып белергә өйрәтә.

       Без  бүген  “Гамбәрия” мәчетенә юнәлдек. Бу  мәчет  яңа, ул  әле  2-3 ел элек  кенә үз  ишекләрен  ачты.  Мәчет  бик  зәвыклы, матур.  Бу мәчеткә кешеләр бик яратып йөриләр, анда төрле догалар өйрәнәләр.  Безнең  балалар  бакчасы  балалары да Зиннур хәзрәткә  белгән  догаларын  сөйләп  күрсәттеләр. Балалар  бүгенге  сәяхәттән  бик  канәгать булып  калдылар.