Бүген зурлар төркеме балалары белән берлектә бакчабызда халкыбызның милли бәйрәме - Каз өмәсе уздырылды. Бу бәйрәм халкыбызның милли йолалары, бәйрәмнәре белән таныштыруны, халык авыз иҗаты, җыр - биюләрен өйрәнүне, хезмәт тәрбиясе бирүне максат итеп куйды. Бәйрәмне  тәрбияче Нуриева З.Р., музыка җитәкчксе Халилова А.А. лар әзерләде.  Бәйрәмне тагын да ямьләндереп җибәрүдә әби һәм бабай булып киенеп кергән тәрбиячеләрнең дә роле бик зур булды. 

«Каенкай» балалар бакчасында балалар бакчасына чиратта торучы балаларны һәм аларның әти-әниләрен бакча тормышы белән якыннанрак таныштыру, киләчәктә балаларның адаптация чорын җиңеләйтү, ата-аналарның бер-берсе белән якыннанрак таныштыру максатында “Әниләр һәм нәниләр” клубы үз эшен башлап җибәрде.

 “Катнаш төрдәге 6 нчы балалар бакчасы”нда балаларга юл йөрү кагыйдәләре турында белем бирү буенча эш системалы рәвештә күп төрле юнәлешләрдә алып барыла. Шушы көннәрдә юлда хәвефсезлек кагыйдәләрен өйрәтүне дәвам итү, юлларда күзәтүчәнлекне, игътибарлылыкны, мөстәкыйль фикерләүне үстерү, урамда, җәмәгать транспортында үз-үзеңне тоту культурасы тәрбияләү максатында тәрбиячеләр Шайхетдинова Г.Р., Мирзагитова Г.Р., музыка  җитәкчесе Хәлилова А.А. лар мәктәпкә әзерлек логопед төркеме балалары белән “Светофор иленә сәяхәт”, мәктәпкә әзерлек төркеме балалары белән "Юлларда тәртип булсын” дигән  чаралар уздырдылар. Чараларда юл хәрәкәте иминлегенең Актаныш районындагы бүлек җитәкчесе Саетова Р.З., имин булмаган гаиләләр һәм балигъ булмаганнар арасында хокук бозуларны кисәтү буенча инспектор Багавиева Д.А. да катнаштылар. 

Бу атнада укытучы-логопед төркем ата-аналарын  кабат үз янына җыйды. Бу юлы ата-аналар ”Беренче адымнар” темасына ачык белем бирү эшчәнлегендә катнаштылар, грамотага өйрәтүгә әзерлек этабының эш  нәтиҗәләре белән таныштылар.Үзләрен борчыган проблемаларны уртага салып сөйләштеләр, кызыксынган сорауларына  җаваплар алдылар, үзара фикер алыштылар.

Әниләрдән дә кадерлерәк дөньяда берәр кеше бар микән!? Кадерле кешеләребезне - әниләрне, дәү әниләрне кадерләп, хөрмәтләп, бакчабызда искиткеч матур кичә узды. Балалар бакчасы коллективы хезмәткәрләре, әниләрнең үзләре катнашында тәрбиячеләр Шәйхетдинова Г.Р., Шәйхетдинова Ч.Т. лар алып барган бу кичә куңелләрдә озак сакланыр!

День матери — великий праздник,
Несет он радость нам и свет,
Ведь в череде явлений разных
Надежней мамы друга нет.

Она всегда с тобою рядом,
Хоть дома ты, хоть далеко.
Согреет теплым, нежным взглядом,
И станет на душе легко.

Спасибо, мамы дорогие,
Что ждете неустанно нас,
Как хорошо, что вы такие,
Живите долго, в добрый час!

Балалар бакчасы укытучы-логопеды югары квалификацион категорияле Нуртдинова Фәнирә Гатуф кызы тарафыннан системалы рәвештә ата-аналар, логопед төркеме тәрбиячеләре, педагоглар белән семинар-практикумнар, консультацияләр үткәрелә. Балаларның аваз әйтелешендә булган кимчелекләрне бетерү, төзәтү бердәм эшчәнлек булганда гына  үз нәтиҗәсен бирә.

Бүген балалар бакчасында база балалар бакчалары мөдирләренең киңәшмәсе булып узды.  Башта мәктәпкә әзерлек төркемендә тәрбиче Вахитова Г.Х. ның рус теле шөгылен карап, үзләренә үрнәк тәҗрибә алсалар, соңыннан локаль норматив актлар белән ныклап танышу, сайт структурасын дөрес итеп төзү буенча уртага салып сөйләшү булды.

Мәктәпкә әзерлек, логопед төркемнәре балалары бүген Актаныш №2 мәктәбендә экскурсиядә булып кайттылар. Мәктәп, андагы укытучы апалар, класслар, мәктәп җихазлары, андагы дәресләр белән танышу , мәктәпкә укырга бару теләген уяту максатында оештырылды бу экскурсия.