Бүген, 12 апрель - Космонавтика көне уңаеннан, зурлар төркеме балалар, ата-аналары, тәрбиячеләре бик матур, эчтәлекле күргәзмә оештырдылар. Башка төркем балалары бу күргәзмә белән якыннан таныштылар, космос, космонавтлар турында белемнәрен баеттылар. (Төркем тәрбиячеләре Нуриева З.Р., Овчинникова О.И.)

База балалар бакчалары эшчәнлеге кысаларында "Мәктәп һәм балалар бакчалары арасында хезмәттәшлек. балаларның сөйләмендә аваз культурасы формалаштыру" дигән темада эшлекле очрашу узды. Тәрбияче Ахняпова Г. балалар белән белем бирү һәм театр эшчәнлеге күрсәтте. Югары категорияле укытучы - логопед базага караган Әтәс, Күҗәкә, Меңнәр балалар бакчалары тәрбиячеләре белән семинар - практикум уздырды. 

Ресурсларны саклау һәм эшкәртү буенча Бөтенрәсәй "Эко - яз" марафоны кысаларында безнең балалар бакчасы хезмәткәрләре, балалар һәм ата-аналар "Макулатура тапшыр-агачны коткар" акциясенә теләп кушылдылар.

2 апрельдә балалар язучысы Ганс Христиан Андерсенның туган көнендә, Халыкара балалар китабы көне билгеләп үтелә. Бүген безнең “Каенкай” балалар бакчасының  зурлар һәм мәктәпкә әзерлек логопед төркемнәрендә дә әлеге көн зурлап искә алынды.

     Тәрбиячеләр Ганиева Ләйсән Мәгъсүм кызы, Нуртдинова Фәнирә Гатуф кызы төркем балаларын  балалар язучылары һәм аларның китаплары белән таныштырдылар. Ата-аналар ярдәме белән мәктәпкә әзерлек логопед төркемендә татарча һәм русча балалар китапларыннан китап күргәзмәсе оештырылды. Балалар алып  килгән китапларының  матур рәсемнәрен үзара бүлешеп карадылар, әкиятләрен, шигырьләрен бик теләп  укыдылар.

    Әти-әниләренең гаиләдә бергәләп китап укулары турында җибәргән фотоларын компьютердан карау балаларда аеруча зур тәэсир калдырды.

      Зурлар логопед төркеме балалары исә тәрбияче апалары Салихҗанова Алсу Фәвәсим кызы, Нуртдинова Фәнирә Гатуф кызы белән китапханәгә экскурсиягә бардылар. Китапханәче Лилия апалары аларны  шатланып каршы алды,бик күп кызыклы мәгълумәтләр  бирде.

Бүген бакчабызның мәктәпкә әзерлек төркеме балалары "Тылсым" мәктәп-бакчада булып, зур спорт чарасында катнаштылар. "Тылсым" мәктәп-бакчаның 1 класс укучылар һәм балалар бакчасының мәктәпкә әзерлек төркеме балалары спорт бәйгесендә үзләренең җитезлекләрен, өлгерлекләрен күрсәттеләр. Ярышны бакчабызның физкультура интсрукторы Ахтямова А.А. оештырды. Балаларны әзерләүдә Шайхутдинова Г.Р., Мусина А.Х. һәм физкультура инстукторы Зөхрә апалары актив булдылар. Безне җылы каршы алганнары, кунак итеп җибәргәннәре өчен мәктәп-бакча коллективына зур рәхмәтләребезне җиткерәбез.

Бүген безнең балалар бакчасында халкыбызның гасырлар буена тупоанып килгән рухи мирасын балаларга җиткерү, милли традицияләргә мәхәббәт тәрбияләү максатында Нәүрүз бәйрәзме үткәрелде. Бу бәйрәмне логопед зурлар төркеме (тәрбиячесе Салихзянова А.Ф., музыка җитәкчесе Халилова А.А.) зур әзерлек белән бик күңелле итеп уздырдылар. Бәйрәмне Кыш бабай (Нуртдинова Ф.Г.), Нәүрүз (Мирзагитова Г.Р.), Табигать патшасы (Шайхетдинова Ч.Т.) тагын да бизәделәр, ямьләндерделәр.

Педагогик киңәшмәгә әзерлек кысаларында мәктәпкә әзерлек төркеме белалары белән физкультура инструкторы Ахтямова А.А., зурлар логопед төркеме балалары белән педагоглар Ннуртдинова Ф.Г., Салихзянова А.Ф., Халилова А.А., Ахтямова А.А. лар ачык белем бирү эшчәнлекләре күрсәттеләр. Эшчәнлекләр  "Балаларда сәламәт яшәү рәвеше күнекмәләре формалаштыру һәм физик тәрбия бирү юнәлешендә ата-аналар белән хезмәттәшлек итү" темасы буенча уздырылды. 

Бүген безнең балалар бакчасында Уфа каласыннан  планетрий булды. Балалар серле, караңгы, зур шар эчендә астрономия дөньясына сәяхәт кылдылар. Төрле планеталар белән якыннан таныштылар, комета белән кояш системасы буйлап сәяхәттә булдылар. 

Бакчабызның педагоглары Чаллы шәһәрендә узган "Интерактив дәфтәр һәм лэпбук ясау" темасында узган төбәкара практик семинарда булып, үз белемнәрен арттырдылар.

Тәрбияче Габдрашитова Д.Р. Яр Чаллы шәһәрендә белем күтәрү курсларында гамәли эшчәнлек вакытында.