"Каенкай" балалар бакчасында зурлар төркеме балалары белән "Зарница"-"Аҗаган" патриотик- спорт уеннары булып узды. Уен маршировка, флаг алып керү, отрядларның үз-үзләре белән таныштыру, девизларын әйтүдән башланып китте. Һәр отряд билгеле бер план буенча хәрәкәт итеп, тугыз төр биремне үтәп, яшерен трофейны эзләп табып, штабка алып килеп тапшырды. Балалар уңышлы чыгышлары өчен истәлекле бүләкләр, шулай ук медальләр белән бүләкләнделәр. "Аҗаган" уенында Ләйсән Рәдиф кызы белән бергә ЮИД яшьләре дә балаларны үзләренең кызыклы биремнәре белән сынап карадылар, алар да буш кул килмәгәннәр, балаларга бүләккә кызыклы уеннар, эш дәфтәрләре һәм яктырткыч элементлары алып килгәннәр. Ярышлар бик оешкан рәвештә, мавыктыргыч һәм бик кызыклы булды. Балалар үзләренең бердәмлекләрен, җитезлекләрен, тирә-юньдә тиз ориентлаша белүләрен күрсәттеләр.
Тәрбияче: Шәйхетдинова Г.Р.
Физик культура инструкторы: Шәйхетдинова Р.Ф.

Логопед мәктәпкә әзерлек төркеме балалары белән бүген 15 май - Гаилә көне турында сөйләштек. Нәрсә ул - гаилә? - соравына җавап бирдек,мәкальләрне искә төшердек. Һәр бала үз гаиләсе турында сөйләде.
Тәрбияче: Мирзаһитова Г.Р.
С детьми логопедической подготовительной к школе группы мы обсудили сегодня 15 мая - День семьи. Ответили на вопрос "Что такое семья!" , вспомнили пословицы.Каждый ребёнок рассказывал о своей семье.
Воспитатель: Мирзагитова Г.Р.

Бүген "Каенкай" балалар бакчасында янгын сүндерүчеләрнең махсус өйрәнүләре узды. Очрашу барышында балаларга янгынны ничек булдырмый калу турында сөйләделәр, янгын куркынычсызлыгы кагыйдәләрен искә төшерделәр. Балалар янгын сүндерүчеләрнең киемнәре, жиhaзлары, машиналары белән таныштылар, янгын сүндерүчеләр ролендә дә булдылар. Янгын сүндерүче хезмәтенең бик җаваплы булуын аңладылар. Очрашу күңелле һәм шул ук вакытта бик файдалы үтте, балаларда уңай тәэсирләр генә калдырды.

8 май иртәсендә авылыбызда Бөек Җиңү көненә багышланган митинг узды. Митингта Аеш төркеме балалары да катнашты. Ватан сугышында илебез өчен ятып калган авылдашларыбызны хөрмәтләп, ветераннар, тыл батырлары өчен матур котлаулар, шигырьләр, җырлар яңгырады. Чара ахырында һәйкәлгә тере чәчәкләр салынды. Тәрбияче Г. М. Таһирова.
8 мая в деревне прошел митинг, посвящённый Дню Победы. На митинге участвовали и дети из Аишевской группы. Для ветеранов и тружеников тыла они рассказали стихи, пели песни. В конце мероприятия были возложены живые цветы к памятнику. Воспитатель Г. М. Тагирова.

Бөек Ватан сугышында җиңүнең 79нчы язын каршы алган мәлдә, 7нче май көнне, бакчабызда тәрбияләнүче балалар катнашында чын мәгънәсендә җиңү митингы узды дип әйтә алабыз. Ватанпәрвәрлек белән сугарылган җырлар, шигъри тәлгәшләр, чыгышлар аша буыны ныгып кына килүче сабыйлар күңеленә мәхәббәт орлыклары салына: туган илгә, гаиләгә, ана телебезгә, динебезгә, милләтебезгә мәхәббәт. Кунак итеп район хәрби комиссары Ленар Әхмәтҗанов, район мәгариф идарәсе җитәкчесе Раниза Шакирова, идарәнең мәктәпкәчә методисты Наилә Хәсәнова, Чечня сугышы ветераннарының берләшмә җитәкчесе Вазих Харисов, Алдынгылар хәрәкәтенә җаваплы Айгиз Мәгдәнов һәм МТС бистәсендә яшәүче лаеклы ялдагы өлкәннәр чакырылганнар иде.