Россия йөгерү көненә багышланган җиңел атлетика кроссында безнең балалар да, хезмәткәрләр дә актив катнаштылар. бездә тәрбияләнүче Салимова Мәрьям үз яшьләре арасында 3, Садертдинова Иркә - 1 урынга лаек булдылар. без аларны чын күңелдән котлыйбыз.

Тәрбияче Вахитова Г.Х. Республикакүләм “Нәниләргә - гаилә белеме” иң яхшы дидактик уен эшкәртмәсе коннкурсында катнашып, “Иң яхшы сүзле уен” номинациясендә җиңү яулады,

Авторская игра воспитателя Вахитовой Г.Х. заняла 1 место на республиканском конкурсе на лучшую разработку дидактической игры «Семьеведение для малышей» в номинации «Лучшая словесная игра».

2 кечкенәләр төркеме балалары белән бакчадагы көзге мул уңыш турында сөйләштек, яшелчәләр, җиләк-җимешләр турындагы табышмакларга җавап таптык, шигырьләр сөйләдек һәм  “Яшелчә бакчасында” уенын уйнадык.

Август конференциясе кысаларында уздырылган "Белем һәм тәрбия - иҗтимагый үсешнең аерылгысыз бер өлеше" темасындагы күргәзмәдә безнең балалар бакчасы лаеклы икенче урынга лаек булды. 

14 август көнне 2 нче балалар бакчасы базасында район балалар бакчалары педагогларының секция утырышы булып узды. Безнең балалар бакчасыннан Әхтәмова Айгөл Азат кызы үзенең эш тәҗрибәсе белән уртаклашты. "Иң яхшы авторлык дидактик уены" бәйгесендә 12 педагогыбыз үзләре иҗат иткән дидактик уеннары  белән катнаштылар. 

Хөрмәтле әти-әниләр!

Балалар бакчасында капиталь ремонт үткәрелү сәбәпле, балалар бакчасының эшчәнлеге вакытлыча 19 июньнән 31 июльгә кадәр туктатылып торыла. Балалар "Тылсым", "Кояшкай" балалар бакчаларында вакытлыча йөреп торачаклар. Сорауларыгыз булса, балалар бакчасы мөдиренә мөрәҗәгать итәргә.

Яңа балаларны кабул итү буенча 28,31 июльдә мөрәҗәгать итәргә.

Без, «Каенкай» балалар бакчасы хезмәткәрләре, бабаларыбыз яшәгән төбәккә, көчле һәм мәгърур Болгар музей-тыюлыгында экскурсиядә булдык. Рухыбыз үткәннәр белән тоташты. Чал ташлар, хәрабәләрдән торгызылган мәһабәт корылмалар… Әйе, соңгы елларда борынгы Болгар жире яңарыш кичергән. Күп хатирәләрне үзләренә сеңдереп яткан харәбәләр, халкыбызның үлмәс рухына булган һәйкәлләргә әверелеп яңарып, матураеп торып басканнар. Болгар музей-тыюлыгында кабат торгызылган Ак мәчет, Көньяк мавзолей, Төньяк мавзолей, Кече манара, Ак пулат, Кара пулат, Хан мунчасы, Хан төрбәсе, Кече шәһәрчек янында йөрдек. Болгарда күргәннәрне бернинди китапка да сыйдырып булмыйдыр. Анда туган уй-фикер, хис-тәэсирне күңел сыйдырса гына…

"Яшьлек" милли-мәдәни үзәк каршында 1 июнь - халыкара балаларны яклау көненә багышланган чарада безнең балалар да үзләренең җырга, нәфис сүзгә осталыкларын күрсәттеләр. Бәйрәм тамашасын да бик кызыксынып күзәттеләр. 

Бүген бакчабызның иң сәләтле, иң уңган 37 баласы үзләренең тормышындагы иң кызыклы, иң күңелле чорын үз эченә алган балалар бакчасы белән саубуллашты. Аларга белем һәм тәрбия бирүдә үз өлешләрен керткән хезмәткәрләр, әти-әниләре, кунакка килгән мәктәп укытучылары хәерле юаллар, бәхетле киләчәк теләп, үз котлауларын, изге теләкләрен җиткерделәр. Бәхетле киләчәк Сезгә, балалар! 

"Гамил Афзал укулары" VI республика фәнни-тикшеренү конференциясендә безнең балалар бакчасыннан 6 педагог (Нуртдинова Ф.Г., Ахтямова А.А., Вахитова Г.Х., Шайхутдинова Ч.Т., Шайхутдинова Г.Р., Насрыева Л.Н.) үз тәҗрибәләре белән уртаклаштылар. Нәтиҗәдә призлы 1 урынга безнең югары категорияле укытучы-логопед Нуртдинова Ф.Г. лаек булды.