11 октябре көнне Актаныш район мәдәният йортында “Тату сыйныф серләре” ата–аналар комитетлары Республика бәйгесенең муниципаль этабы узды. Бәйгенең максаты: балаларны тәрбияләүдә белем бирү оешмалары һәм ата–аналар бердәм булып эшләгән иң яхшы коллективны барлау, аларны башкаларга үрнәк итеп күрсәтү, популярлаштыру. Укытучылар, ата–аналар, балалар бер команда булып чыгыш ясады . Өч номинациядә үткән бәйгедә зона этапларында җиңү яулаган 10 мәктәп командасы катнашты.  Безнең мәктәпнең ата-аналар комитеты "Максатка ирешүчеләр" номинациясендә җиңү яулады. Афәрин, котлыйбыз!

Мәктәбебез волонтерлары өлкәннәргә шефлыкка бардылар.

10 октябрь көнне 1 нче класс укучыларының ата-аналары  ачык дәрескә килде.

Наши учителя Фаттахова Т.М. (учительница  русского языка и литературы),  Хабибуллина С.Г. (учительница исстории и обществознания) стали победителями  в профессиональном конкурс  "Образование: ОТ ТЕОРИИ К ПРАКТИКЕ" среди педагогических работников Актанышского муниципального района РТ.  Мы поздравляем их с этим достижением, желаем им здоровья и дальнейших успехов в любимом деле.

7 октябрь көнне Пучы мәктәбе базасында ата-аналар комитетлары арасында "Тату сыйныф серләре"нең зона бәйгесе узды. Мәктәбебезнең ата-аналар комитеты бик матур чыгыш ясады. 

6 нчы октябрь көнне Өлкәннәр ункөнлеге һәм авыл хуҗалыгы хезмәтчәннәре көне уңаеннан уздырылган ярминкәдә катнаштык. Мәктәбебез коллективы Меңнәр төп гомуми белем бирү мәктәбе белән берлектә бәйрәм ярминкәсенә   кайнатмалар  тәкъдим итте.

  Хөрмәтле Илдар Сәетҗан улы, Сезне  күркәм юбилеегез  белән чын күңелдән котлыйбыз.

   Күп еллар  балаларга аң-белем биреп кенә калмыйча, дистәләгән еллар җитәкчелек дилбегәсен кыю тотучы, үз һөнәрен чын күңелдән яраткан Илдар абыйның тирән белемле булуы, бай тәҗрибәсе сокланырлык, үрнәк алырлык. Сезгә озак елларга җитәрлек сәламәтлек, бетмәс энергия телибез. Янәшәгездә һәрчак тугры дусларыгыз, ышанычлы хезмәттәшләрегез булсын. Якыннарыгыз сезне сөендереп яшәсеннәр. Уңышлар, куанычлы көннәр, бәхетле мизгелләр насыйп булсын Сезгә!

Иң изге теләкләр белән Әтәс мәктәбе коллективы, профсоюз комитеты.

4 нче октябрь көнне Әлфия Авзалова исемендәге мәдәният сараенда "Укытучылар бәйрәме" билгеләп үтелде. Мәктәбебезнең физика, информатика укытучысы Фатыйхова Д.Ә., физик тәрбия укытучысы Хабибуллин А.Д.әлеге чара барышында бүләкләнеп сәхнәгә күтәрелделәр. 

Бүген укучылар һәм укытучылар коллективы авылыбыз мәктәбе һәм балалар бакчасында фидакарь хезмәтләрен куйган өлкәннәребезне хөрмәтләделәр.
Балалар катнашында бәйрәм иртәсе , музыкаль котлаулар оештырылды, бәйрәм чарасы чәй  табыны янында дәвам итте.