Бөтенроссия тикшерү эшләре тәмамланды. Әтәс мәктәбенең 4 класс укучылары биремнәрне уңышлы башкарып чыктылар. Укучыларның һәм укытучы  З.М. Гарданованың тырыш хезмәт нәтиҗәсе күренде.

Татар теленнән БРТ нәтиҗәләре билгеле булды. Безнең мәктәпнең 9 класс укучылары әлеге сынауны уңышлы уздылар. Афәрин!

17-19 май көннәрендә Байсар урманында укучыларның җәйге туристик слеты үткәрелде. Традиция буенча оештырылган бу слет 62 тапкыр уза. Безнең мәктәптән Хәбибуллина Алинә, Гыйздатуллина Луиза, Сарварова Рәмилә, Батталов Альфред, Фатыйхов Илфар, Камалетдинов Айназ команда составын тәшкил итте. Урманда ориентлашу буенча Хәбибуллина Алинә 3нче урынны яулады. ККМ ярышында команда 4нче урында булса, гомуми нәтиҗәләр буенча Әтәс мәктәбе командасы 3нче урынга лаек булды. Укытучы Хәбибуллин Айдар Дамир улы.

19 нчы май көнне Актаныш мәдәният йортында 9 нчы класс укучылары һәм аларның әти-әниләре өчен муниципаль район башлыгы Ф.М.Камаев катнашында Актаныш технология техникумы вәкилләре белән очрашу оештырылды. Бу чарада  безнең мәктәпнең   9 нчы класс укучылары һәм әти-әниләре  дә катнашты.

13 май көнне Советлар Союзы Герое Х.Заманов исемендәге Актаныш кадет интернат-мәктәбе базасында укучыларның Җәйге спартакиадасы оештырылды. Безнең мәктәп укучылары да үз осталыкларын күрсәттеләр: Камалетдинов Айназ озынлыкка сикерүдә - 2, биеклеккә сикерүдә - 1, Хабибуллина Алинә 400 м га йөгерүдә - 1, Хабибуллина Адилә 800 м га йөгерүдә -4, Батталов Альфред - 400 м га йөгерүдә - 4, Гараева Резеда биеклеккә сикерүдә 5 нче урынга ия булдылар. Гомуми нәтиҗәләр буенча команда мактаулы 2 нче урынны яулады. Афәрин, укучылар! Әзерләүче укытучы- Хабибуллин Айдар Дамир улы.

13 май көнне Сәләтле балалар өчен гуманитар гимназия-интернатында гомуми урта белем бирү йортлары укытучыларының V Республикакүләм Гамил Афзал укулары оештырылды. Безнең мәктәптән тарих һәм җәмгыять белеме укытучысы Хабибуллина С.Г. катнашты. Ул "Г.Афзал иҗаты һәм бүгенге әдәбият" секциясендә  чыгыш ясап, 3 урынны яулады һәм ТР Мәгариф һәм фән министрлыгы дипломы белән бүләкләнде.

Бүген 4 класс укучылары Бөтенрәсәй тикшерү эшләре кысаларында рус теленнән язмача биремнәр үтәделәр. 11 май көнне алар әлеге фән буенча диктант язганнар иде. Алдагы эшләрендә дә уңышлар телибез.

6 нчы май көнне ТР Мәгариф һәм Фән Министрлыгы приказы нигезендә 9 класс укучылары профессиональ билгеләнү буенча тест эшләделәр.

Химия - биология укытучылары үзләренең эш тәҗрибәләре белән уртаклашу максатыннан гимназиядә мастер-класс күрсәттеләр. Нәгыймова Дилбәр Рафаэль кызы химия фәненнән  " Әйлән-тирәбездә индикаторлар " дигән темага уңышлы чыгыш ясады.