2 октябрь көнне Түбән Татар Майна авылында “Укытучылар көне” булып узды.Бу бәйрәмгә Аксубай районының  барлык татар авылларыннан укытучылар чакырылган иде. Район башлыгы һәм мәгариф бүлеге җитәкчесе барлык укытучыларны һөнәри бәйрәмнәре белән тәбрик иттеләр һәм бүләкләр тапшырдылар. Хөрмәтле Укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.   Бар гомерне җитәр яктыртырга, Сез кабызган утның яктысы. Туган якның ал таңнары сезгә Бүләк иткән күңел аклыгын. Юлдаш итеп саклагансыз яшьтән Челтерәп аккан чишмә сафлыгын Вөҗдан күзе белән карыйсыз сез Тормыштагы һәрбер мизгелгә Күпме изге гамәл энҗе булып Гомер юлыгызга сибелгән. Рух ныклыгына таянасыз Нәкъ меңьяшәр имән төсле сез Чор сулышын ачык тоемлаучы Зыялы һәм затлы кеше сез.