Безнең мәктәптә сәләтле балалар укый. Алар - һәрберсе кабатланмас шәхес. Һәрбер укучыбыз үзенчәлекле. Һәрберсе безгә кадерле һәм якын. Монда иң кырыс йөрәкләрне эретә алырлык җырчыларның моңлы тавышлары яңгырый. Бездә хикмәтле шахмат партияләре туа, ихласлык hәм матурлык белән тулы шигырьләр языла. Мәктәп спортзалында көрәшчеләр hәрдаим көч сынаша, зур ярышларга әзерләнә hәм алдынгы урыннарны яулыйлар. Безнең укучылар уку өчен генә түгел, ә актив ял итү өчен дә вакыт табалар. Аларның расписаниесендә тигезләмәләр өчен дә, ноталар өчен дә, шахмат комбинацияләре өчен дә, илһамлы юллар өчен дә урын бар.
Укучыларыбыз табигать белән тыгыз элемтәдә үсәләр. Агачлар утырту аларны дәвалау дисеңме, су буйлары чистарту, табигатькә ялга чыгу –болар барысы да безнең өчен гадәти хәлләр. Укучыларыбыз-мәктәбебезнең өмете, аның горурлыгы, аның киләчәге. Бәйрәм белән сезне, балалар! Балаларны яклау hәм саклау көне белән!