Электронное образование Республики Татарстан

 18 февраль көнне Куныр урта мәктәбе базасында “Башлангыч сыйныфларда дәресләрдә стандарт булмаган формалар куллану” темасына башлангыч сыйныф укытучыларының район семинары булып узды. 2 сыйныфларда Сөләйманова И.К. әйләнә-тирә дөнья фәненнән - “Сәламәтлек һәм куркынычсызлык” темасына, 4 сыйныфларда Гайсина Р.Г. татар теленнән -“Сүз төркеме-сан” темасына, 3 сыйныфларда Гафиуллина Л.Н.  математикадан - “Таблицада һәм таблицадан тыш тапкырлау һәм бүлү очраклары” темасына, 1,2 сыйныфларда Сөләйманов Р.В. физкультурадан – “ГТО таләпләре буенча күнегүләр башкарырга әзерлек” темасына ачык дәресләр күрсәттеләр. Семинарда катнашучылар Шода башлангыч мәктәп-балалар бакчасы укытучысы Гарифуллина Ф.В. тарафыннан әзерләнгән мастер-класста автив катнаштылар. Мәктәптәге “Авыл тарихы” музеена сәяхәт кылдылар. 1-4 сыйныф укучылары тарафыннан әзерләнгән “Үзе татлы, үзе рәхәт балачак” кичәсе дә укытучылар күңеленә хуш килде. Семинар эшенә район укытучылары тарафыннан уңай бәя бирелде.

13 нче февраль көнне Шубан төп мәктәбендә татар теле һәм әдәбияты укытучыларыныӊ районара семинары оештырылды. Семинарда район мәгариф оешмаларыныӊ һәм Арча районы Хәсәншәех төп мәктәбенеӊ татар теле һәм әдәбияты укытучылары катнашты.  “Туган тел дәресләрендә һәм сыйныфтан тыш чараларда укучыларда ватанпәрвәрлек  сыйфатларын тәрбияләү” темасына үткәрелгән семинарда Шубан мәктәбенеӊ татар теле һәм әдәбияты укытучысы Сәләхетдинов Инсаф Исрафил улы   ачык дәрес һәм «Ватанны саклаучылар елы» һәм герой шагыйрь Муса Җәлилнең тууына 119 еллыгына багышланган ачык чара тәкъдим итте,   “Муса Җәлил образы аша Ватанга мәхәббәт хисе тәрбияләү” темасына чыгыш ясады. Ветеран укытучы, дәреслекләр авторы, журналист, «Ак калфак» иҗтимагый оешмасының урындагы җитәкчесе Мөхәммәтҗанова Әминә Габделбәр кызы Карадугандагы Муса Җәлил музееның барлыкка килү тарихын сөйләде. Түгәрәк өстәл барышында, дәрес һәм чараларга анализ ясалды.  Семинарда катнашучылар мәгариф оешмасыныӊ милли мәгариф һәм тәрбия юнәлешенә   югары бәя бирделәр.

На базе МБОУ «Балтасинская СОШ», МБОУ «Янгуловская СОШ», МБОУ «Смаильская СОШ» Балтасинского муниципального района прошла региональная акция «Законы победителей: секреты вершины в 100 баллов!»  для обучающихся 10-11 классов. Цель акции: повышение уровня психологической готовности к экзаменам выпускников 2024-2025 учебного года.