ЭКОяз-2021 республика акциясе кысаларында көллияттә экологиягә багышланган чара булып узды. Туган телләр елы буларак, бу чараны татар телендә уздырырга булдык. Студентлар табигатьне саклауга багышланган презентация карап уздылар, экологиягә кагылышлы биремнәрне үтәделәр,  ә иң мөһиме, "Табигатьне яратабыз" исеме астында анкета сорауларына җавап бирделәр. Студентларның табигатьне пычратучыларга начар мөнәсәбәттә булулары, агачлар, чәчәкләр утыртуны яратулары, чүп-чарны чистарту акцияләрендә  катнашу теләкләре чын күңелдән сөендерде. Бу файдалы кичәнең татар телендә баруы студентларның дәүләт теленә булган уңай мөнәсәбәтен күрсәтте. Кичә күңелле узды.