Һәр төбәкнең үз горурлыгы булган данлыклы кешеләре бар. Аңа бәяне дә шуларның эш-гамәлләренә карап бирәләр. Бу яктан Зәй районы аерата бәхетле, чөнки зур дәрәҗәләргә, мактаулы исемнәргә ия булган кешеләре күп аның. Әйе, Зәй ягы бөтен дөньяга танылган язучылар, галимнәр, тарихчылар, мәгърифәтчеләр үстергән төбәк, күпкырлы сәнгать, иҗат әһелләре районыбыз горурлыгы булып тора. Шундыйларның берсе шагыйрь, публицист, тәнкыйди мәкаләләр авторы, Татарстанның халык шагыйре, Г. Тукай исемендәге дәүләт премиясе лауреаты Татарстан Республикасының атказанган мәдәният хезмәткәре Башкортстанның Ф. Кәрим исемендәге премиясе лауреаты Татарстан язучылар берлегенең А.Алиш исемендәге премиясе иясе якташыбыз Мөдәррис Зөфәр улы Әгъләметдинов.
8 декабрь көнне гимназиягә якташыбыз Мөдәррис Әгъләмовның иҗатташлары һәм тормыш иптәше килде. Алар арасында Татарстан Республикасы язучылар берлеге рәисе Ркаил Зәйдулла, якташыбыз галим Хатип Миңнегулов, әдипнең туганнары, язучы - шагыйрьләр Малсель Галиев, Ләбиб Лерон, Равил Фәйзуллин, Нәҗибә Сафина, Данил Салихов, Факил Сафин һ.б., булды.

Гимназиядә «Батарейкалар тапшыр!» дигән экологик акция старт алды. Гимназия укучылары кулланылган батарейкалар җыйдылар. Акциядә катнашу бик җиңел: кулланылган батареяны алып килеп, аны кабул итү пунктларына тапшыру да җитә. Батарейкаларны җыеп, аларны утильләштерүгә җибәреп, без агачларга, кыргый хайваннарга һәм үзебезгә ярдәм итәбез.

Бүген, гимназиябез китапханәсендә «Дәүләт символлары» - китап күргәзмәсенә күзәтү оештырылды. Анда тәкъдим ителгән китаплар Россиянең төп дәүләт символларының барлыкка килү тарихын һәм язмышын чагылдырган иде. Мәктәп укучылары гербның барлыкка килү тарихы белән таныштылар. Балаларга Россиянең хәзерге гербының һәр элементының символик мәгънәсе турында белү кызыклы булды.

Сынлы сәнгать атналыгының икенче көне. Интеграль дәрес. Чарада 5а һәм 6б катнашты. Тема "Көзге тавышлар һәм төсләр дөньясына сәяхәт".

27 ноябрь көнне “Мөһим турында сөйләшү” (“Разговор о важном”) сыйныф сәгате “ Туган ил нәрсә ул?” дип аталды. Сыйныф сәгатенең максаты: илебезгә,үз төбәгенә мәхәббәт һәм хөрмәт, аның мәдәниятенә һәм тарихына, традицияләренә, анда яшәүче кешеләргә, аларның казанышлары өчен горурлану .

27 ноябрь көнне гимназиянең актлар залында Казан ветеринария һәм аграр университеты вәкилләре югары сыйныф укучылары белән очрашты. Алар югары уку йортына керү мөмкинлекләре белән таныштырдылар.