Сегодня наши девчонки показали достойную игру и заняли 3 место среди 40 школ и среди городских школ.Среди сельских школ 1 место, а среди городских 3 место. Общий зачёт 3 место. Молодцы. Мы гордимся вами.

Театрга бару

24.04.2019. гимназия укучылары Казанның яшь тамашачылар театрына барып, Н.В.Гоголь әсәре буенча фантастик-детектив “Нос” карадылар – спектакль бик үзенчәлекле һәм күңелле куелган иде. Балалар тын да алмыйча кызыксынып карап утырдылар.

 Сәнгать укытучысы: Магизова Н.Х.

Тукай иҗаты рәсемнәрдә...

        Туган тел атналыгы кысаларында рәсемнәр бәйгесе игълан ителде. Гимназиябез укучылары   Г. Тукай иҗаты буенча бик матур рәсемнәр ясады.

      3 нче “а” һәм 6 нчы “а” сыйныфы укучылары яна уку елында гимназиябезгә беренче сыйныфка укырга керегә җыенучы “Мәктәпкәчә хәзерлек” укучылары өчен “Карсылу һәм җиде кәрлә”  әкиятен сәхнәләштереп күрсәттеләр.

  Г.Тукайга багышланган шигырь кичәсе

12 апрель көнне физика һәм астонономия укытучысы Еремеева Р.Р. космонавтика көненә багышлап бик кызыклы чара үткәрде. 7,8,10 нчы сыйныф укучылары ракета җыюда, чит планета кешесен ясауда һәм сорауларга җавап бирүдә көч сынаштылар. Ә башлангыч сыйныфлар кунак булып кызыксынып күзәтеп утырдылар.

Бүген гимназиябездә «Укыту һәм тәрбия процессында - мультилингваль мөхит тудыру” дигән темага мәгарифне үстерү институты белән берлектә стажировка мәйданы үткәрелде. Бу чарага 40тан  артык төрле район укытучылары(Әгерҗе, Арча, Лениногорский, Кама тамагы районы, Биектау районы, Яшел Үзән, Тәтеш, Әлки, Спас) катнашты. Чараның максаты – рус, татар һәм инглиз телләрендә көндәшлеккә сәләтле белем бирүне тәэмин итү, нәтиҗәле алымнар кулланып,  башка халыкларның мәдәниятләрен һәм телләрне камиль белү.

Укытучылар татар теле һәм әдәбиятыннан, тарих, инглиз телләреннән дәресләр күрсәттеләр. Дәресләрдә бер  теманы укучылар иркен итеп өч телдә сөйләшеп алып бардылар. Сыйныфтан тыш чараларда: Абдулла Алиш “Койрыклар” әкиятендә дә, Габдулла Тукайның “Шүрәле” әкиятендә дә, Абдулла Алишның “Куян кызы” әкиятендә дә, “Вәли һәм Сорыр” татар халык әкиятендә дә  укучылар образга кереп өч телдә сөйләштеләр. Килгән  кунаклар укучыларнын оста итеп өч телдә дә аралашуларына таң калдылар.

Дәресләргә филология фәннәре кандидаты, КФУ ның “Тәрҗемә һәм гамәли тел белеме” кафедрасы доценты, мәгарифне үстерү институтының “Татар теле һәм әдәбияты” кафедрасы җитәкчесе Рәсимә Шәмсетдинова югары бәя бирде. Килгән кунаклар  үзләренә дә инглиз телен дә үзләштерергә кирәклеген һәм гимназиянең кыйбласы бүгенге көндә бик актуаль дигән фикер җиткерделәр.