“Радужная сцена” фестивале

06.05.2019. Гимназия укучылары “Радужная сцена” дип аталган V Республика экологик фестиваль-бәйгедә әзерләнгән чыгышлары белән призлы урын яуладылар! Котлыйбыз!

 Педагог-оештыручылар: Мөхәмәтҗанова В.Ф., Магизова Н.Х.

      Рус теле укытучысы Сафиуллина Н.А. җитәкчелегендә гимназия укучылары Санкт-Петербург шәһәрендә булып кайттылар. Сәяхәтнең беренче көнендә Петергофның гаҗәеп бакчаларын һәм фонтанннарын күрделәр. Икенче көнне Павловск һәм Пушкин шәһәрләрендә булдылар. Өченче көнне Эрмитаж музеена юл тоттылар.

Сәяхәт бик кызыклы, мавыктыргыч һәм онытылмаслык булып калды укучыларның күңелендә.

     Гимназиябездә Г. Тукай туган көндә бик күп чаралар үткәрелде, шуларның берсе – “Озын толым” бәйгесе. Кызларыбыз чәч үстерү һәм тәрбияләү серләре белән уртаклашты, тапкырлык, зирәклек һәм осталыкта көч сынашты.

    Гимназиябез укучылары Мостафина Таңсылу Илһам кызы җитәкчелегендә “Мин татарча сөйләшәм” республика акциясендә катнашып призер булдылар. Алга таба да үрләр яулавыгызга ышанабыз, афәрин!

     Укучыларыбыз ел буена әсәр яки әкият сәхнәләштереп күрсәтеп килделәр. Ниһаят, сәхнә иң кечкенәләр карамагында. Һай, тырыштылар да соң безнең икенче сыйныфлар! 2нче “Б” һәм 2нче “А” сыйныфларында менә дигән артистлар бар икән!

“Җиңү язы

29.04.2019. Яшел Үзәннең балаларның иҗат үзәгендә муниципаль бәйге “Җиңү язы” үткәрелде. Гимназиядән әдәби-музыкаль күренеш “Җиңү бәясе” әзерләнде, анда 1-нче сыйныфтан алып – 9-нчы сыйныф укучылары катнашты. Чыгышыбызны бик яратып карадылар, уңышлы булды, 2-нче урыңга  лаеклы булдык! Афәрин, укучыларыбыз!

Педагог-оештыручылар: В.Ф. Мөхәмәтҗанова , Н.Х.Магизова.

    27 нче апрель көнне гимназиябездә “Шәҗәрә – киләчәккә тәрәзә” дип аталган булды. Катнашучылар арасында Казаннан һәм Мәскәүдән килгән галимнәр бар иде. Укучыларыбыз галимнәрнең чыгышларын зур кызыксыну белән тыңлады, үзләре дә шәҗәрәләрен тәкъдим иттеләр.

     Менә ичмасам артистлар, менә ичмасам режиссёр! Афәрин 2нче “В”, афәрин Таңсылу Илһамовна! 2нче “В” сәхнәләштергән “Сертотмас үрдәк” әкиятен карагач, шулай әйтмичә мөмкин түгел иде. Балаларның уйнаулары, җыр – биюләре, сәхнәдә үз – үзләрен тотулары барысы да искиткеч булды.

    Безнең гимназия “Весна Победы”(Җиңү язы) дигән муниципаль конкурста 2 нче урынны яулады. Оештыручларны һәм катнашучыларны котлыйбыз.

Район күләмендә үткәрелгән    баскетбол ярышында кызлар комндасы да, малайлар командасы да бик әйбәт нәтиҗә күрсәтте. Кызларыбыз 40 командадан авыл мәктәпләре арасында 1нче урынны, шәһәр мәктәпләре арасында 3нче урынны яулады. Малайларыбыз 2нче урында. Без укучыларыбыз белән горурланабыз һәм алга таба да зур уңышлар телибез.