Сегодня в каждом классе проведены классные часы по открытию "Год родных языков и народного единства в Республике Татарстан"

Буген   һәр сыйныфта "Татарстан Республикасында туган телләр һәм халыклар бердәмлеге елы" ачуга багышланган сыйныф сәгатьтләре уткәрелде.

15 нче гыйнвар көнне гимназиядә “Башлангыч сыйныф укытучыларының методик эш системасы” темасына Татарстан Республикасы мәктәпләре укытучылары өчен семинар узды. Мәктәп директоры Гөлинә Рөстәмовна федераль дәүләт белем бирү стандартларын гамәлгә ашыру шартларында укытучылар һәм укучылар белән эшне оештыру тәҗрибәсе белән уртаклашты. Үзидарә укучылары Гөлгенә Равиловна җитәкчелегендә гимназиябез музейлары эшчәнлеге белән таныштырды. Остазлык хәрәкәтен тормышка ашыру максатыннан, башлангыч сыйныфлар укытучысы Фәнүсә Нәбиулловна 4 нче сыйныфта әдәби укудан ачык дәрес күрсәтте. Музыка укытучысы Наилә Хавиловна 1 нче сыйныфта үткәргән дәрес укытучылар өчен чын осталык мәктәбе булды. Башлангыч сыйныф укытучысы Таңсылу Илһамовна ФДББС таләпләренә туры китереп ачык дәрес бирде. Семинарда катнашучылар бу дәресләрдә универсаль уку гамәлләрен формалаштыруның төрле ысулларын, алымнарын күрделәр. Укытучыларның педагогик осталыклары, балаларның фәннәрне үзләштерүдәге уңышлары аларны сокландырды. Килгән кунаклар семинарның югары дәрәҗәдә үтүен ассызыкладылар. 

Осиново бистәсендә стадиондагы төп чыршыны ачу тантанасына олысы-кечесе җыелды. Биредә белем бирү учреждениеләреннән Кыш бабайлар, Кар кызлары һәм башка әкият геройлары катнашты. Гимназиябезнең Кыш бабае белән Кар кызы да әлеге күңелле чарадан читтә калмады. Бәйрәмгә килүчеләрне Осиново җирлеге башлыгы Альберт Сәлимов сәламләп, Яңа елда бар теләкләр чынга ашуын, сәламәтлек, бәхет-сөенечләр теләде.

Ә чыршы әйләнәсендә бәйрәм кызганнан-кызды. Балалар гына түгел, хәтта әти-әниләр дә Кыш бабай, Кар кызларына ияреп рәхәтләнеп күңел ачтылар. Җем-җем килеп янган чыршы тирәсендә, чын мәгънәсендә, бәйрәм гөрләде. Балалар Кыш бабай капчыгындагы татлы призларга да ия булдылар.

Әнә шулай, Кыш бабайлар парады һәм төп чыршыны ачу тантанасы Яңа ел бәйрәменә күңелле старт бирде. 

Кышкы каникуллар 29 нчы декабрьдән 8 нче гыйнварга кадәр дәвам итәчәк.

Балаларга кичке сәгать 10 нан иртәнге 6 га кадәр өлкәннәрдән башка урамда йөрергә рөхсәт ителми. Сабыйлар куркынычсызлык турында онытып, юлда шаярышып уеннар да оештыралар. Юл йөрү кагыйдәләрен балаларга кабат искәртеп алыгыз. Кичләрен караңгы бик тиз төшә. Саклык өчен киемнәренә яктылык кайтаручы элементлар ябыштыру кирәк. 

Кышкы уеннар куркынычсызлыгына килгәндә, балалар текә hәм бозлы тауда чаңгыда шумасыннар. Тимераякта махсус җиһазландырылган шугалакларда гына шуарга ярый. Ачык сулыкларда йөрү катгый тыела! Түбәләрдән асылынып торган боз сөңгеләре дә сәламәтлек өчен куркыныч. Мондый урыннарны читләтеп үтү кирәк. 
Балаларга пиротехниканы мөстәкыйль сатып алу һәм аны өлкәннәр контроленнән башка куллану тыела. Чыршыны да тиз янып китмәүче уенчыклар белән генә бизәргә кирәк.

Яңа ел бәйрәмнәре һәм каникуллар чоры күңелле узсын! 

Гимназиядә  Яңа ел бәйрәмнәре гөрләп торды. Бәйрәмгә әкият геройлары да килде: Албасты һәм Убырлы, иң көтеп алынган Кыш бабай белән Кар кызы булды. Укучылар гадәттәгечә үзләрнең һөнәрләрен курсәттеләр: биеделәр, табышмаклар чиштеләр, җырладылар, бәйгеләр уздырдылар. Кыш бабай берсен дә күчтәнәчсез калдырмады! 

Яңа елда өмет капкалары
Бәхет теләп кенә ачылсын.
           Һәрбер йортның ишек, тәрәзәсенә
Ак канаты белән кагылсын.

Педагог-оештыручы: Н.Х.Магизова

Һәркем өчен укып чыккан белем йорты иң якыны, иң газизе. Инде аны тәмамлаганга дистә еллар үтсә дә, олыгаеп чәчләргә чал төшсә дә, туган мәктәп, аеруча укытучылар, күңел түрендә. Кем генә булсалар да, нинди генә дәрәҗәле урыннарда эшләсәләр дә, балачак, яшүсмер еллары онытырлык түгел. Гимназиябезнең 25 еллык юбилее хакында хәбәр таралгач та, күпләр бирегә ашкынып килде. 

Бәйрәм вакытында күңелләрдә бик күп истәлекләр яңарды. Мәктәп еллары белән бәйле сагынып, сокланып искә алырлык вакыйгалар, ә иң мөһиме - кунаклар күп булды. Аларның бер өлеше – юбилей белән котларга килүчеләр иде. Яшел Үзән районы Башкарма комитеты урынбасары – мәгариф бүлеге җитәкчесе Рәйсә Вәли кызы Афанасьева, Яшел Үзән районы Профсоюз җитәкчесе Наилә Гаяз кызы Копвиллем, Мәгариф һәм фән министрлыгының Мәгариф өлкәсендә күзәтчелек һәм контроль департаменты әйдәп баручы белгече Илгизә Җәмил кызы Гомәрова, Бөтендөнья татар конгрессы “Ак калфак” оешмасы җитәкчесе Кадрия Рәис кызы Идрисова, Осиново җирле үзидарәсе Башкарма комитеты рәисе Нәгыйм Сәләх улы Сафиуллин һ.б. үзләренең җылы сүзләрен, якты теләкләрен җиткерделәр. Икенчеләре исә - бар күңелләрен биреп, бик күп көчләрен куеп хезмәт иткән укытучылар бәйрәмдә мактаулы кунаклар буларак катнашты. 

Бәйрәм гимназиянең актлар залында укучылар һәм укытучылар әзерләгән чыгышлар һәм мәртәбәле кунакларның котлаулары белән үрелеп барды. Гимназиябез директоры Гөлинә Рөстәмовна әлеге бәйрәмне уздыруда өлеше кергән һәркемгә рәхмәтләрен җиткерде. Укытучыларыбызга рәхмәт хатлары да тапшырылды.

Әлеге чарадан таралышканда, һәркемнең күңелен канәгатьлек катыш рәхәтлек хисе  биләгән иде...

07.12.2019.Яшел Үзәндә “Город неограниченных возможностей” интеграль фестивальда гимназия укучылары җиңүләргә ирештеләр. Фестивальнең гала-концертында укучылар кул эшләре, рәсемнәре, җыр башкару осталыгы белән лаеклы урыннар алдылар. Афәрин, укучылар!