Бүген Бөтенроссия балаларга хокукый ярдәм көне. Шул уңайдан безнең мәктәптә балаларның хокуклары турында лекция булды, 5 нче сыйныфта сыйныф сәгате шул темага багышланды.

Бүген Буа шәһәрендә "Шәҗәрәләр - нәсел агачы" - II төбәкара фәнни-гамәли конференциясе булды. Әлеге конференциядә, сайлап алу турын узып, безнең районнан да 4 мәктәп катнашты. Алар арасында безнең мәктәп тә бар. 8 нче сыйныф укучысы Корбангалиева Гөлчәчәк,9 сыйныф укучысы Мингазова Камилә үзләренең фәнни хезмәтләре (фәнни җитәкчеләре Халиуллина Ә.А.) белән чыгыш ясадылар һәм сертификат белән бүләкләнделәр. Без аларны котлыйбыз!

Бүген бездә 1 чирек нәтиҗәләре буенча ата-аналар җыелышы булып узды. Көн тәртибендә шулай ук ашханәдә туклану, 2016 елның I яртыеллыгына газета-журналларга язылу, Татарстанда җитештерелгән балалар өчен спорт киемнәрен сатып алу, бозлавык чорында балаларның куркынычсызлыгын тәэмин итү кебек мәсьәләләр яктыртылды.

Әдәбият елы уңаеннан бүген бездә күренекле балалар шагыйре, Татарстан язучылар берлеге рәисе Рафис Корбан һәм Яшел Үзән шәһәренең Тукай фонды җитәкчесе Филиппова Клара Мәрдән кызы белән очрашу булды. Укучылар очрашуны зур әзерлек белән көтеп алдылар. Язучының шигырьләрен укыдылар. Р.Корбан укучыларга  шигырьләрен укып күрсәтте, табышмакларын әйтте. Иң актив балаларга үзенең китапларын бүләк итте. Соңыннан шул китапларга  култамгасын куеп калдырды. Очрашудан укучылар һәм укытучылар рухи азык алып киттеләр.