Бүген Актанышта мәгариф хезмәткәрләренең кышкы спартакиадасы уза. Районыбыз данын якларга безнең мәктәпнең физик культура укытучысы Шәрәфетдинов Җәүдәт Мансур улы да китте. Аларга уңышлар телибез.

Муса Җәлилнең тууына 111 ел тулу уңаеннан 7нче һәм 8 нче сыйныф укучылары арасында "Батырлыгы белән җырларга кергән шагыйрь" диеп исемләнгән интеллектуаль уен оештырылды.

Татар Танае  яшьәре бүген безнең мәктәптә кунакта булдылар. Волейбол ярышының иптәшләрчә очрашуында Танайларның яшьләр командасы - I, безнекеләр  II урын алдылар. Олылардан Күгеш командасы - I, Татар Танае командасы II урынны яуладылар.  Котлыйбыз!

Татар теле һәм әдәбияты кысаларында бүген "Башваткыч" уены үткәрелде. Әлеге бәйгедә 9 нчы сыйныфның өч укучысы катнашты.

9нчы сыйныф укучыларының сынап карау имтиханнары дәвам итә. Бүген алар татар теленнән  БРТ эшләделәр.

9нчы февраль көнне мәктәптә 9нчы сыйныф укучылары биологиядән  сынап карау имтиханын тапшырсалар, бүген исә җәмгыять белеменнән үзләренең белемнәрн күрсәттеләр..

Мәдәният һәм авыл китапханәсе хезмәткәрләре белән берлектә бүген 2017нче ел - Экология елына  багышланган  Бөтенрәсәй тыюлык дәресе үтте.

Татарстан Республикасы Дәүләт гербы – Татарстан дәүләти символы. 1992 елның 7 февралендә Татарстан Дәүләт Шурасы тарафыннан расланды. 
Татарстан Республикасы Дәүләт гербының авторлары – филология фәннәре докторы Назым Ханзафаров (идеясе) һәм рәссам-монументалист, Татарстан Рәссамнәр берлеге әгъзасы Риф Фәхретдинов (башкаручы).
Татарстан Республикасының Дәүләт гербы кояш җирлегендә алгы уң аягын бераз күтәргән, янтавында түгәрәк калкан булган канатлы барс сүрәтеннән гыйбарәт. Кояш түгәрәге татар милли бизәге төшерелгән, аскы өлешенә "Татарстан" дип язылган кайма белән уратып алынган.
Канатлар җиде каурыйдан, калкандагы розетка сигез таҗ яфракчысыннан тора.
Татарстан Республикасының гербы Татарстан флагының төсләре белән ясалган, һәм ул түгәрәк формалы.
Гербның үзәк образы – канатлы барс – элекеге заманда уңыш, балаларны саклаучы тәңре булган. Татарстан Республикасы гербындагы Ак барс – республиканың һәм анда яшәүче халыкның саклаучысы.
Ак барс кызыл кояш җирлегендә урнашкан. Кояш – элекеге заманда күп халыкларның баш тәңреләре булган. Татарстан гербындагы кызыл кояш хәерле күренеш, уңыш, бәхет, яшәешне аңлата.
Ак барсның сул ягындагы түгәрәк калкан Татарстан Республикасы гражданнарының икътисади, хокуки яктан саклану астында булганнарының билгесе.
Татарстан Республикасының дәүләт гербы төсле итеп бизәлгән: кояш – кызыл, Ак барс, аның канатлары, калкандагы розетка – ак, янтавындагы түгәрәк – яшел, калкан, бизәк һәм "Татарстан" язуы – алтын төс белән ясалган.
Кашкарый җөп санлы таҗлары белән мәңгелек яшәү чишмәсен, гомернең озынлыгын һәм озын гомер теләвен аңлата.
Барсның күтәрелгән алгы уң аягы – югары хакимиятнең бөеклегенә ассызымлаган традицион геральдик ишарә. Ул шулай ук эшнең уң аяктан башланганын , Татарстанның яңарыш юлындагы баруының хәерлесен аңлата.
Барсның очлы тешләре һәм тырнаклары аның үз-үзен һәм химая иткәннәрен дә яклый алуын белдерә.
Барсның җиде каурые тирә-якка тәэсир итү көче җирдә дә, күктәдә булуын аңлата.
Барсның коерыгының торышы яхшы кәефне, дуслыкны белдерә.
Татарларда популяр булган яшелчә орнаменты һәм ләлә чәчәге Татарстанның тууын, язгы табигатьнең уянуыны символлаштыра.
Өч алтын түгәрәк гербны өч дәрәҗәдә чолгый. Алар бердәмлек, чиксезлек һәм иң югары камиллек идеясен чагылдыра. Төсләрнең символик билгеләре:
алтын төс – нәфислек, матурлык, Татарстан җирләренең байлыгы;
яшел төс – язның яшеллеге, Татарстанның яңадан тууы;
ак төс – Татарстан кешеләренең чиста уйлары;
кызыл төс – Татарстанның өлгергәнлеге, энергиясе, көче, яшәеше, яши алганлыгы;
Татарстан Республикасының гербы әхләк байлыгы, гаделлек, халык арасындагы тынычлык, прогресс шикелле гомум кешелек сыйфатларны раслый.