Нәүрәз  фарсыча “яңа көн” (нәү – яңа, рүз – көн) дигәнне аңлата. Урта Азиядә, Иранда, Әфганстанда һәм кайбер башка илләрдә бик борынгыдан килгән Яңа елны каршылау бәйрәме ул. Нәүрүз көн белән төн тигезләшкән чорга – 21–22 мартка туры килә. Көнчыгыш календаре буенча әлеге төбәкләрдә язны каршылау язгы чәчү эшләре алдыннан үткәрелә торган халык бәйрәменнән гыйбарәт.

Безнең мәктәп тә әлеге бәйрәмне билгеләп үтте. Мәктәп буенча Нәүрүз бикәне сайлау конкурсы игълан ителгән иде. Кызлар “Визитка”, “Яз турында шигырь яки җыр”, “Табышмаклар” конкурсларында үзләрен кәрсәттеләр. Жюри әгъзалары кызларыбызның чын күңелдән, төпле итеп әзерләнгәннәрен югары бәяләде. Нәтиҗәдә мәктәпнең иң талантлы, булдыклы Нәүрүз бикәсе итеп 9 нчы сыйныф укучысы Шарафиева Ландыш билгеләнде. Ландыш ел буе мәктәпне яхшы эшләргә, матурлыкка  рухландырып торыр дип өметләнәбез.

“Мирас һәм Заман”